Türkiyə Suriyanın şimalında təhlükəsizlik zonası yaradıb.

Zirveyolu.info Trend-ə istinadən xəbər verir ki, bunu Türkiyə Prezidentinin mətbuat katibi İbrahim Kalın deyib.

Onun sözlərinə görə, bu zona Afrindən Məncibə qədər uzanır.

İ.Kalın əlavə edib ki, Türkiyənin terrorçulardan azad etdiyi ərazilərdə hazırda sabitlik hökm sürür.

Mətbuat katibi daha sonra qeyd edib ki, Türkiyə Suriyanın ərazi bütövlüyünə hörmət edir. Lakin bundan sonra Suriya tərəfindən istənilən potensial təhlükə dəf ediləcək.