Türkiyənin Kayseri bölgəsində evdə yanğın baş verib.

Zirveyolu.info Türkiyə KİV-nə istinadən xəbər verir ki, hadisə 6 mərtəbəli binanın 1-ci mərtəbəsində qeydə alınıb. Divanın yanması ilə nəticələnən yanğında tüstüdən 7 nəfərin halı pisləşib.

Hadisə yerinə polis, yanğınsöndürən və təcili yardım nümayəndələri gəlib.

Dumandan zəhərlənən 7 nəfər təcili yardım maşınları ilə Kayseri şəhər xəstəxanasına aparılıb.

Yanğının baş vermə səbəbləri araşdırılır.