Azərbaycan millisinin və “Səbail” komandasının futbolçusu Ruslan Qurbanov zədələnib.

“Report”un məlumatına görə, bu barədə 28 yaşlı hücumçu “Facebook” sosial şəbəkəsində məlumat verib.

Qurbanov Premyer Liqanın XXVII turunda “Qarabağ”la matçın başlamasından 5 dəqiqə əvvəl soyunub-geyinmə otağında yıxıldığını bildirib. Müayinədən sonra forvardın qolunda çat aşkarlanıb.

Oyunçu bu gün əlinin gipsə qoyulduğunu vurğulayıb.

Qeyd edək ki, “Qarabağ” – “Səbail” matçı Ağdam təmsilçisinin 4:0 hesablı qələbəsi ilə yekunlaşıb.