Xəbər verdiyimiz kimi, ötən il fevralın 23-də ailə həyatı quran aktyor Elşən Orucovun həyat yoldaşından ayrılması ilə bağlı məlumatlar yayılıb.

Məlumatlarda bildirilir ki, “Fəlakət” obrazı ilə məşhurlaşan sənətçi xanımı İlahə ilə bir müddətdir ayrı yaşayır. 2018-ci ilin dekabrında valideyn olan Elşən və İlahənin rəsmi boşanması barədə heç bir məlumat yoxdur.

Aktyor Elşən Orucov ailəsinin dağılması ilə bağlı xəbərləri təkzib edib və belə bir xəbərin yayılmasında jurnalistləri ittiham edib:

“Əziz jurnalistlər, məlumatı yazanda dəqiqləşdirin, sonra yazın. Boş-boş reytinq dalınca qaçıb özünüzü göstərməyin. Yadınıza salın ki, sizin də ailəniz var”.