Ağsu rayonunda yanğın hadisəsi baş verib.
Bu barədə Zirveyolu.info-a Fövqəladə Hallar Nazirliyindən (FHN) bildirilib.
Məlumata görə, Ağsu rayonunda ümumi sahəsi 64 m² olan birmərtəbəli 2 otaqlı evin dam örtüyü 5 m² sahədə və bitişik 56 m² olan taxtadan ibarət köməkçi tikilinin yanar konstruksiyaları yanıb.
Yanğın zamanı 1 nəfər yanıq xəsarəti alıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
