Xalq artisti Aygün Kazımova iştirak etdiyi “Zima” festivalının mətbuat konfransından sonra “Qafqazinfo”nun suallarını cavablandırıb. Məşhur müğənni yay mövsümündə fasiləsiz çalışdığını qeyd edib: 

“Məndə yeni və köhnə mövsüm yoxdur. İlin 365 günü çalışıram. Sezondan sezona keçidi hiss etmirəm. Bu mövsümdə siz məndən çox şey gözləyə bilərsiz. Təbii ki, dayanmadıq, ehtiyatda bir neçə layihəmiz var. Bir-bir sevənlərimizə təqdim edəcəyik. Özüm də bunu həyəcanla gözləyirəm. Adətən əvvəllər bir layihə edirdim. Ancaq indi ehtiyatda bir neçə layihə var”.

Aygün oktyabrın sonunda Rusiyanın Xalq artisti Filipp Kirkorovla Bakı Konqres Mərkəzində səhnəyə çıxacağından da söhbət açıb: “Kirkorov Bakıya gəlir? (gülür) İnanmıram! O məgər Bakıdan getmişdi? Onun Bakıdakı konsertində səhnədə çıxışlarım gözlənilir”.

Pop ulduz uzun fasilədən sonra dəyişən imicindən də danışıb: “Sarı saç çox oldu, özümü vurdu. Yenə gecə yatdım, səhər oyandım ki, saçlarım uzanıb, birdən rəngi dəyişdi. Hamısı bir əl toxunuşu ilə baş verdi”.

Bundan əlavə, Kazımova qızı İlqarənin səhnə fəaliyyətindən söz açıb: “Mən həmişə demişəm, nə olsun ki, İlqarə mənim qızımdır? Biz çox fərqliyik. Bəlkə də, dünyada ana-övlad duetlərinə nəzər salsaq, bala o demək deyil ki, anasına oxşayacaq. Düzdür, mənim qızım istedadlıdır. Bu, arzu edib-etməməyimdən asılı olaraq belə oldu. Ancaq biz onunla fərqliyik. İlqarə astagəl, mən isə tezgələm”.

Video: Nuran Məmmədov