Rusiya Dövlət Dumasının deputatı, LDPR lideri Vladimir Jirinovski Moskvanın bir sıra xarici ölkələrin borclarını bağışlamasının səbəbləri haqda danışıb.

Virtualaz.org xəbər verir ki, rusiyalı siyasətçi bunu “həmin ölkələrin başqa superdövlətlərin yanına getməməsi üçün” etdiklərini deyib.

“Komsomolskaya Pravda” radiosunun efirində çıxışı zamanı Jirinovski bildirib ki, məsələn, Rusiya Qırğızıstan və Tacikistanın borclarını  bağışlamasa onları “Çin və ya Əfqanıstan öz ağuşuna alar”,

“Budur, biz onları yanımızda saxlayırıq, Azərbaycan və Ermənistan kimi. Orada da həll edilməmiş məsələlər var, amma Ermənistan hələ NATO-ya getməyə cəhd eləmir, Azərbaycan isə Türkiyə ilə dostluq edir, lakin bizimlə də normal münasibətlər saxlayır”,-Vladimir Jirinovski belə deyib.