İstanbulun Bakırköy ərazisində bir evdə biri uşaq olmaqla 3 nəfərin cəsədi tapılıb. Ölənlərin ər-arvad Zübeyde Delenlə Bahattin Delen və oğulları Ali Delen olduğu məlum olub.
Yeniavaz.com xəbər verir ki, hüquq mühafizə orqanlarının verdiyi məlumata görə ailə üzvləri sianiddən (zəhərli maddə) zəhərlənərək dünyasını dəyişib.
Qeyd edək ki, noyabr ayı ərzində Türkiyədə iki ailə sianid içərək canlarına qəsd edib. Bunlar eyni anda intihar edən 4 bacı-qardaş və daha bir 4 nəfərlik ailədir.
