Prezident İlham Əliyev Ağcabədi rayonunda əkin sahələrinin və əhalinin içməli suya olan tələbatının ödənilməsi üçün subartezian quyularının layihələndirilməsi və qazılması ilə bağlı tədbirlər haqqında Sərəncam imzalayıb.
Sərəncama əsasən, Ağcabədi rayonunun əhalisi 83682 nəfər olan 20 yaşayış məntəqəsində (siyahı əlavə olunur) əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya olan tələbatının ödənilməsi üçün 30 ədəd subartezian quyusunun layihələndirilməsi və qazılması məqsədilə Azərbaycan Respublikasının 2020-ci il dövlət büdcəsinin dövlət əsaslı vəsait qoyuluşunun (investisiya xərclərinin) bölgüsündə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün nəzərdə tutulmuş vəsaitin 2,1 milyon (iki milyon bir yüz min) manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılır.
Maliyyə Nazirliyinə bu Sərəncamın 1-ci hissəsində göstərilən məbləğdə maliyyələşməni təmin etmək tapşırılır.
Nazirlər Kabineti bu Sərəncamdan irəli gələn məsələləri həll etməlidir.
XXX
Ağcabədi rayonunda qazılması nəzərdə tutulan subartezian quyularının yaşayış məntəqələri üzrə bölgüsünə dair siyahı
Azərbaycan Respublikası Prezidentinin 2020-ci il 7 yanvar tarixli Sərəncamına Əlavə
| Sıra
№-si |
Yaşayış məntəqələri | Quyuların
sayı |
Əhalinin
sayı |
| 1. | Ağcabədi şəhəri | 1 | 42768 |
| 2. | Aran kəndi | 1 | 2118 |
| 3. | Arazbar kəndi | 2 | 1493 |
| 4. | Boyat kəndi | 1 | 1858 |
| 5. | Göyük kəndi | 1 | 918 |
| 6. | Hindarx qəsəbəsi | 3 | 9667 |
| 7. | Xocavənd kəndi | 2 | 3647 |
| 8. | Kəhrizli kəndi | 3 | 2055 |
| 9. | Kürdlər kəndi | 1 | 1022 |
| 10. | Qaraxanlı kəndi | 1 | 980 |
| 11. | Mehrablı kəndi | 1 | 1644 |
| 12. | Minaxorlu kəndi | 2 | 2248 |
| 13. | Muğanlı kəndi | 1 | 1723 |
| 14. | Poladlı kəndi | 1 | 1513 |
| 15. | Salmanbəyli kəndi | 3 | 2539 |
| 16. | Sarıcalı kəndi | 1 | 1816 |
| 17. | Şahsevən kəndi | 1 | 456 |
| 18. | Şahsevən Təzəkənd kəndi | 1 | 834 |
| 19. | Şərəfxanlı kəndi | 1 | 896 |
| 20. | Yuxarı Qiyaməddinli kəndi | 2 | 3487 |
| Cəmi | 30 | 83682 | |
