DİM ciddi tədbirlər görsə də, imtahan keçirilən binaların qarşısında karantin qaydalarının riayət edilməsi ilə bağlı məqamlara tam nəzarət edilməsi mümkün olmayıb.

Bunu təhsil eksperti Kamran Əsədov AzTV-nin efirində yayımlanan “Çıxışa doğru” proqramında qonaq olarkən deyib.

O bildirib ki, 2020-ci ildə iştirak edən 400 min iştirakçı arasında yoluxmanın olmaması real deyil:

“İmtahanlarda iştirak edənlər növbəti imtahana 1 ay sonra qatılıblar. Bu zaman çərçivəsində yoluxmanı müəyyən etmək mümkün olmur. Lakin bütün hallarda imtahanın təşkili zamanı karantin qaydalarına riayət olunması üçün Dövlət İmtahan Mərkəzi çox ciddi tədbirlər görür”.