Xeyirxahlıq nəciblik, mərhəmət, şəfqət və alicənablıq deyil, hər şeydən öncə mayası insana məhəbbətlə yoğrulmuş humanizmdir. Məhz bütün bu mənəvi dəyərləri özündə birləşdirməyi bacarmış şəxslər Tanrı dərgahında kamil insanlar sayıla bilərlər. Hər zaman xeyirxahlıq işığına tapınan Sumqayıt Cümə Məscidinin Axundu Hacı Rauf Sərdarov da belə insanlar sırasındadır. Məhz onun təşəbbüsü və təşkilatçılığı ilə bu müqəddəs Ramazan bayramı ərəfəsində Sumqayıt Cümə Məscidində Sumqayıt 1 saylı Uşaq Xəstəxanasının həkimləri tərəfindən sünnət xeyriyyə aksiyası keçirilmişdir.

Xeyriyyə aksiyasına şəhid və qazi ailələrin uşaqları cəlb olunmuşdur. Əməliyyatlar uğurla həyata keçmişdir.

Hacı Rauf aksiyada çıxışında xalqımıza fiavanlıq, əmin-amanlıq, mehribanlıq, şəhidlərimizə rəhmət və qazilərimizə can sağlığı diləmişdir.

Sonda uşaqlara maddi köməklik edilmişdir.

İlhamə Məhəmmədqızı,
AJB-nin üzvü