17 may 2021-ci il tarixində saat 13:00-da Abdulla Şaiqin Mənzil-Muzeyində Abdulla Şaiqin ən gözəl əsərlərindən biri “Tıq-tıq xanım” mənzum hekayəsi əsasında kukla tamaşası onlayn İnstagram’da canlı göstərilmişdir. Tamaşada Abdulla Şaiq Mənzil-Muzeyinin işçiləri, uşaqlar, KİV nümayəndələri və digər şəxslər iştirak etdilər.

Tamaşa göstərilmədən öncə uşaqlar salamlandı. Və sabah 18 may Beynəlxalq Muzeylər Günü olmasını, həmçinin bu gün Abdulla Şaiqin 140 illiyi münasibətini də qeyd etdiklərini diqqətə çatdırdılar. Sonra uşaqlar tamaşaya baxmağa dəvət olundular. Sonda tamaşanı böyük həvəslə izləyən uşaqlardan rəyləri soruşuldu, onlar hamısı birlikdə tamaşanı çox bəyəndiklərini söylədilər.

Tamaşanın sonunda aparıcı Səidə xanım və musiqi tərtibatçısı Ülkər Talıbzadə izləyicilərə təqdim olundu. Ülkər xanım uşaqlardan bu tamaşadan nə anladıqlarını və yaxşı dost necə olmalıdır deyə soruşdu. Uşaqlar da birlikdə “Yaxşı dost dar gündə dostuna kömək etməlidir” deyərək cavab verdilər.

Ülkər xanım tədbiri bağlı elan etdi.

Zirveyolu.info