Böyüklər xatırlayar yəqin ki, ovaxtlar hər evdə televizor da yox idi. “Mehriban düşmən”, “Qvadalupe” və digər hər hansı bir serial başlayan kimi bütün kənd bölüşürdü televizor olan evlərə. Serialda baş verən bizim mentalitetimizə yad hadisələri gördükcə, analarımız, nənələrimiz bir əllərini üzlərinə, bir əllərini dizlərinə çırpardılar.

Allah rəhmət eləsin, indi o nənələrimizin çoxu haqq dünyasındadır. Bəxtləri gətirib ki, vaxtında gediblər. Yaşayıb indi özümüzün nəyinki seriallarımızda, hətta real həyatımızda baş verənlərin şahidi olsaydılar Allah bilir nə hisslər keçirərdilər.

Yerli televiziyaların “maarifləndirici” sosial verlişləri sayəsində hər gün elə şeylər görürük ki, gördüklərimiz getdikcə gözümüzdə adiləşir.

Hələ sosial medialarda gördüklərimiz…

Yeri gəlmişkən bu gün DogruXeber.az informasiya agentliyinin redaksiyasına Masallı rayon sakini Əliyeva Nəzrin tərəfindən videomüraciət daxil olub.

Daxil olan müraciətdə Nəzrin Əliyeva bildirir ki, əslən Masallı rayonundan olan iş adamı Allahyarov Təhmasib Seyrəddin oğlu onu “evlənmək” adı ilə qaçırıb, bakirəliyinə sahib olduqdan və bir müddət birlikdə yaşadıqdan sonra ayrılmaq istədiyini bildirib.

Nəzrin qeyd edir ki, Təhmasib ayrılmaq istədiyində o artıq hamilə olub. Məsələyə böyüklər qarışdıqda isə sözügedən iş adamı Allahyarov Təhmasib Nəzrinə və körpəsinə Sahib çıxmaq üçün onun ailəsindən 50.000 (əlli min) AZN məbləğində pul tələb edib. Əks halda Nəzrin və 6 aylıq qız övladından imtina edəcəyini bildirib.

Maddi durumunun zəif olduğunu deyən Nəzrin Əliyevanın ailəsi bu məbləği ödəməyə razı olmayıb.

Daha sonra Nəzrin bildirir ki, iş adamı Allahyarov Təhmasib Seyrəddin oğlunun mobil telefonunda bir neçə qızların videogörüntülərini də görüb. Hansı ki, Təhmasib maddi imkanlarından istifadə edərək gənc qızları aldadıb, yoldan çıxarır, onunla intim münasibətdə olur və bunu videokamera vasitəsilə lentə alır.

Sonra qızları həmin görüntülərlə şantaj edərək, onlardan pul tələb edir.

Nəzrin Əliyevanın bütün bu söylədikləri Allahyarov Təhmasib Seyrəddin oğlunun Azərbaycan Respublikası Cinayət Məcəlləsinin 182-ci (hədə-qorxu ilə pul tələb etmə) maddəsinə əsasən cinayət tərkibi yaradır.

Hesab edirik ki, xarici görünüşü, maddi imkanları, şəxsi biznesləri vasitəsilə azyaşlı qızları yoldan çıxaran, namusunu ləkələyən, hələ bu da azmış kimi öz iyrənc əməlləri ilə onları şantaj edən Allahyarov Təhmasib Seyrəddin oğlu barəsində Hüquq Mühafizə orqanları tədbir görməli, sözügedən şəxsi törətdiyi cinayət əməllərinə görə məsuliyyətə cəlb etməlidirlər.

Yeri gəlmişkən onu da qeyd edək ki, redaksiyamıza daxil olan digər videomaterialda iş adamı Allahyarov Təhmasib tərəfindən qeyri-etik, təhqiramiz ifadələr səsləndirildiyi üçün onu yayımlamadıq.

Redaksiyamız hər kəsin söz haqqını tanıyır.