“Yardımlı Səhiyyəsi batıb gedir. Səhiyyə Nazirliyi Yarımlıdakı bir hadisəylə bağlı təcili açıqlama versə yaxşı olar”.

“Demokratik.Az”-ın məlumatına görə, Yardımlı rayon Mərkəzi Xəstəxanasında baş alıb gedən özbaşınalıqlar barədə dəfələrlə yuxarı orqanlara yazılsa da, media qurumları nöqsanları yetərincə işıqlandırsa da heç bir tədbir görülmür. Ucqar dağ rayonunda Sakinlər hesab edirlər ki, həm Səhiyyə Nazirliyi və TƏBİB özü də bir sıra problemlərin həllini sanki istəmir.

Saytımıza verilən məlumata görə, bir neçə gün əvvəl, yəni avqustun 31-də Yardımlı rayon Mərkəzi Xəstəxanasında inanılmaz hadisə baş verib. Belə ki, Yardımlı rayon Mərkəzi Xəstəxanasının terapevt həkimi Kərimov Yalçın Tofiq oğlu xəstəxanaya aid olan sənədlərdən birini oğurluq yolu ilə götürüb qaçmaq istəyərkən binanın 1-ci mərtəbəsindən yıxılaraq bud sümüyünün 3 yerindən sınıq xəsarətləri alıb. Həkim ağır vəziyyətdə Bakıda xəstəxanaya çatdırlıb.

Sakinlərin iddiasına görə, Yalçın Kərimov narkotik istifadəçisidir və əvvəllər də bir dəfə məkumluq həyatı yaşayıb. Rayon sakinləri Səhiyyə Nazirliyinə sual edirlər ki, Yardımlı rayon Mərkəzi Xəstəxanasında belə bir şəxsi həkim kimi saxlamaq nəyə gərəkdir. Təbii ki, Səhiyyə Nazirliyi və TƏBİB bu barədə iddiaya bir açıqlama verməlidir.

Yardımlı MRX-nin baş həkimi (direktor) Rasim Əkbərovun fəaliyyətini yarıtmaz hesab edən şikayətçilərdən aldığımız məlumata görə, adıçəkilən şəxs son illərdə yığdığı rüşvətlə və korrupsiya əməllərilə rayonda ən varlı adamlardan birinə çevrilib. İddialara görə, Rasim Əkbərov xəstəxanadakı durumu idarə etmək iqtidarında deyil, burada adi müayinələr və müalicələr üçün avadanlıq və həkim qıtlığı da ayrıca dərddir.

Baş həkimin mülkləri və biznes obyektləri barədə redaksiyamıza daxil olan bilgiləri dəqiqləşdiririk, yaxın günlərdə oxucularımıza təqdim edəcəyik…

“Demokratik.Az”