“Bu şəkli Azərbaycandan bir dost göndərib. Onlar ictimai nəqliyyatda Ermənistana qarşı yeni təcavüz təbliğatı var. Ekranda Ermənistan şəhərlərinin adları göstərilir və dərhal da o yerləri Azərbaycan adları ilə verirlər. Şəkli göndərən oğlan ekranda Vardenis sözünün yanında Basarkeçər yazıldığını göstərib. Belə başa düşdüyüm kimi, artıq İrəvan, Vanadzor, Eçmiadzin, Stepanavan adları da Azərbaycan versiyaları ilə təqdim olunur və o əraziləri özlərininki hesab edirlər. Bu təbliğat bütün avtobuslarda, metroda və Bakının küçələrində gedir”.
Diqqəti cəlb edən toponimlərin adlarının təbliğatı yox, Lapşinə informasiya ötürən ”oğlan”ın kimliyidir. Yəni, Lapşin və onun kimiləri üçün Bakıdan informasiya ötürənlər də var. Təəccüblü deyil. Hələ Lapşin Bakıda həbs olunanda Londonda fəaliyyət göstərən “Azerfreedom” adlı bir internet kanalı Lapşinin həbsinə etiraz etdiyini və gələcəkdə Lapşinə kompensasiya ödəyəcəklərini vəd vermişdi. Lapşin azad edildikdən sonra, o həmin internet kanala dəvət edilmiş və Azərbaycana qarşı təbliğat aparmışlar. Bu barədə yaxınlarda “Fedai.az” saytında maraqlı araşdırma da yer alıb.
Müvafiq orqanlar Lapşin kimi Azərbaycan düşmənləri ilə əməkdaşlıq edən, ona informasiya verənləri aşkarlayıb tədbirlər görməlidir. Bu gün metro, ya avtobusdan şəkil çəkib göndərən, sabah məxvi obyektlərdən fotoreportajlar hazırlayıb ötürə bilərlər.
Moderator.az
