Naxçıvandakı hərbi hissələrin MAXE-ləri yaşadıqları əraziyə yaxın yerdə xidmət etmək üçün rüşvət verməyə məcbur edilir. Onları öncə hansısa bəhanə ilə yaşadığı rayondakı hərbi hissələrdən uzaq bölgələrə xidmətə göndərirlər. Daha sonra isə, təkrar öz bölgəsindəki hərbi hissəyə qaytarmaq üçün, onlarda rüşvət tələb olunur.
Dia.az-ın məlumatına görə, Kəngərli rayon sakini D. Abdullayev “Gündəlik Naxçıvan”a deyir ki, rayon mərkəzi olan Qıvraq qəsəbəsində yerləşən N saylı hərbi hissəyə MAXE düzəlmək üçün bir neçə il öncə 3 manat rüşvət verib. Təkrar rüşvət verməyə məcbur etmək üçün, indi onu yaşadığı ərazidən 80 km aralıda yerləşən Culfa rayonundakı hərbi hissələrin birinə göndəriblər:
[center][medium]https://gundem.media/uploads/posts/2022-03/1647511059_1647489315_01.jpg[/medium][/center]
“ Bu fırıldaq da yeni yaranıb. Müxtəlif bəhanələrlə MAXE- ləri “perevod” edib, geri qaytarmaq üçün rüşvət tələb edirlər. Bu yolla rüşvət almağa əsas yaradırlar. Bu, artıq kütləvi hal alıb. İndiyə kimi hər bir MAXE yaşadığı əraziyə yaxın hərbi hissədə işə götürülürdü. Hamı da fikirləşirdi ki, evimə yaxındı, sərf edər. Rüşvətini verib, işə düzəlirdi. Mən də evimin yaxınlığındakı hərbi hissəyə düzəlmişdim və 2 ildən çoxdur ki, orda işləyirdim. Guya sıra düzümünə gec gəlmək bəhanəsi ilə, məni Culfaya “perevod” elədilər. İndi əlavə 3 min istəyirlər ki, geri qaytarsınlar”.
Şikayətçi deyir ki, “perevod” işinə hər hərbi hissədə fəaliyyət göstərən dəllallar baxır:
“ Hər hərbi hissədə maklerləri var. Gəlib yaxınlaşır ki, pulunu ver, qaytaraq öz yerinə. Çox adam məcbur olub razılaşır. Aldığımız 5-6 yüz manat maaşdı. Mən hər gün Culfaya gəlib-getmək üçün 20 manat taksilərə verirəm. Bəs bunun yemək içməyi, digər xərcləri necə olacaq. Maaşım heç taksiləri görmür. İşdən çıxmaq da olmur, nə qədər pul verib düzəlmişik. Həm də3 illik müqavilə ilə işə götürülüb. İşdən çıxsaq, hərbi biletimiz ləkələnəcək. Belə olanda da heç yerdə iş tapa bilməyəcəyik. Bundan əlavə, işdən çıxmaq istəyənlərə də təzyiqlər olur. Ona görə məcburam ki, haradansa borc-xərc edib, kreditə pul götürüb bunlar istədiyi rüşvəti verib, öz yerimə qayıdım. Kredit verən banklar da özlərininkidir. Hərtərəfli qazanırlar”.
İddia olunanlarla bağlı dia.az olaraq qarşı tərəfi də dinləməyə hazırıq…
