Vətəndaş Qocayev Zuar Tahir oğlu müraciət edərək, Xətai ray, Sarayevo küç, ev. 7, mən. 81 ünvanında yerləşən mənzilini satdığını və evin yeni sahibinin dövlət istilik təchizatını dayandırıb, kombi sistemi qura bilmədiyini iddia edir. Zirveyolu.info “marja”ya istinadla bildirir ki, müraciətçi iddia edir ki, buna səbəb “Azəristliktəchizat” şirkətinin vermədiyi istiliyə görə ödəniş istəməsidir. Mənzil son 4-5 il ərzində dövlət tərəfindən istilik ilə təchiz edilməyib.
Müraciətdə qeyd edilib ki, “Azəristliktəchizat” mövcud borc ödənilmədiyi təqdirdə istilik sistemini dayandırmayacağını və sənəd verməyəcəyini bildirir. Evin əvvəlki sahibi (Qocayev Zuar) mənzil istiliklə təmin olunmadığı üçün borcu ödəməyəcəyini bildirir. O hesab edir ki, “Azəristliktəchizat” borcu silməli və istilik sistemini dayandırmalı və buna görə sənəd verməlidir.
“Mən Qocayev Zuar Tahir oğlu mənə məxsus olan Xətai ray, Sarayevo küç, ev. 7, mən. 81 ünvanında yerləşən evi satmışam. Hal-hazırda evi alan vətəndaş evin dövlət istilik təchizatını dayandırıb, kombi sistemi qurmaq istəyir. Lakin dövlət istilik təchizatdan bildirilmişdir ki, mövcud olan borc ödənilmədiyi təqdirdə istilik sistemini dayandırmaq mümkün deyildir. Nəzərinizə çatdırmaq istərdim ki, həmin ev son 4-5 ildir dövlət tərəfindən istiliklə təmin olunmamışdır. İstilik sistemi yararsız vəziyyətdədir. Buna baxmayaraq bu vəziyyətlə maraqlanan olmayıb, sadəcə ödəniş xəbərdarlığı olunmuşdur. Mən isə mənzil istiliklə təmin olunmadığı üçün ödəniş etməyəcəyimi bildirmişəm və pul yığmağa gələn əməkdaşa istilik xəttini bağlamaqlarını haqlı irad olaraq qeyd etmişəm. Buna baxmayaraq dövlət istilik təchizat tərəfindən bildirilir ki, pulu ödəməyəcəyim təqdirdə mənə lazımı sənəd verilməyəcək. Xahiş edirəm ki, bu problemin həlli üçün mənə lazımı köməkliyi göstərəsiniz”.
Vətəndaşın iddiası ilə bağlı “Azəristliktəchizat”a sorğular göndərdik. Dövlət şirkəti məsələ ilə əlaqədar mövqeyini təqdim etməyib.
