Hakim mənə iddia ərizəsinin sürətini və hazırlıq iclasının tarixi və saatı barədə bildiriş göndərmədən, köməkçisi zəng edərək, sabah məhkəməyə gəlməyimi tələb etdi. Mən işin Ağdam rayon Məhkəməsində aparılmasına etiraz olaraq, vəsatət göndərmişəm. Və vəsatətimi də bununla əsaslandırmışam ki, icra başçısının rayon məhkəməsinin hakimləri ilə davamlı ünsiyyəti var. Tədbirlər də, bir – birlərinin xeyir – şər işlərində iştirak edirlər. Bundan əlavə işimi aparan hakim Mahir Niftəliyevin Ağdamın icra başçısı Vaqif Həsənovla dostluq münasibəti var. Buna əsas kimi Ağdam rayon Əfətli kənd sakini Quliyev Akif Bəhmən oğlu ilə bağlı açılmış cinayət işində hakim Mahir Niftəliyev şahid qismində tanınır. Cinayət işinin motivi isə budur ki, hakim Mahir Niftəliyev icra başçısı Vaqif Həsənovun xahişi ilə, icra başçısının qanunsuz əməllərindən, özbaşınalıqlarından dövlət orqanlarına şikayət məktubu göndərən Akif Quliyev ilə icra başçısını barışdırıb. Belə ki, hakim Mahir Niftəliyevin xidməti kabinetində çay süfrəsi ətrafında icra başçısı Vaqif Həsənov və Akif Quliyev görüşərək barışmışdır.

Təntəli şəkildə keçirilən barışıq masasında icra başçısı Vaqif Həsənov Akif Quliyevə 10 ha torpaq sahəsi vermişdir. Və sonradan icra başçısı Vaqif Həsənov Akif Quliyevi həbs etdirməkdən ötrü hədiyyə etdiyi torpaqdan “dövlət torpağını zəbt etmə”, yəni 188.3 maddəsi ilə Ağdam RPŞ – nə müraciət edərək, cinayət işi qaldırmışdır.

Cinayət işi Ağdam rayon Məhkəməsində hakim Mahir Niftəliyevin icraatına verilsə də o cinayət işində şahid kimi tanındığına görə, özü – özünə etiraz vermiş və nəticədə həmin cinayət işi Bərdə rayon Məhkəməsində hakim Qamət Əbilovun sədrliyi ilə davam edir. Və bu cinayət işində hakim Mahir Niftəliyevin şahidliyi sübut edir ki, onun icra başçısı Vaqif Həsənov ilə yaxın münasibəti və ünsiyyəti var. Belə bir hakimin mənim həbsim ilə bağlı icra başçısı Vaqif Həsənovun tələbini yerinə yetirmək üçün canla – başla çalışacaqdır. Və hakim Mahir Niftəliyevin mənim həbs olunmağım tələbi ilə işi aparması birmənalı şəkildə işin obyektiv aparılmasına şübhə yaradır. Hakim Mahir Niftəliyev isə Ağdam rayon Məhkəmə tərkibinə etirazla bağlı verdiyim vəsatəti özbaşına qəbul etməyərək, icra başçısının mənim ilə bağlı xüsusi ittiham qaydasıda olan iddia ərizəsini qəbul edərək, məhkəmə prosesinin baxışını təyin etdirmişdir.

Yuxarıda da qeyd etdiyim kimi icra başçı məni təhqir etdiyini biləndə dəfələrlə görüşüb aydınlaşdırmağa cəhd etsəm də icra başçısı məni qərəzli şəkildə qəbul etməmişdir. Halbuki icra başçısı vaxt ayırıb məni qəbul etsəydi, ən azından özü haqda belə bir imicin formalaşmasına imkan verməyə bilərdi. İcra başçısının məni təhqir edib, qəbul etməməyinin tək səbəbi isə Ağdam məhkəməsinin hakimləri ilə olan dostluq münasibəti dayanır. Çünki rahat şəkildə dostları olan hakimlərin vasitəsi ilə ondan şikayət edən vətəndaşlara təzyiq etməklə, öz xeyrinə qərar çıxarda bilir. Hətta ölkə Prezidenti hər dəfə çıxışında xüsusəndə icra başçılarını nəzərdə tutaraq, daima xalqla işləmələrini, qəbul etmələrini, hörmətlə yanaşmalarını xüsusi vurğulayır.

Təəssüf ki, icra başçıları prezidentin tapşırıqlarını qulaqardına vurur. Bir neçə gün bundan öncə özünü Sabirabad RİH-in inzibati binası önündə yandıraraq, intihar edən Elvin Cəfərovun hadisəsi də sübut etdi ki, məhz rayon icra başçısı vaxtında qazini qəbul etməmişdir.

Hakim Mahir Niftəliyev ilə bağlı bir məsələni də qeyd edim ki, hələ 2017-ci ildə Məhkəmə Hüquq Şurasının qərarı ilə qanunvericiliyin tələblərini pozduğuna və korrupsiyaya şərait yaradan hallara yol verdiyinə görə Gəncə şəhəri Nizami rayon məhkəməsinin hakimi Mahir Niftəliyevin yol verdiyi qanun pozuntusuna görə, tutduğu vəzifədən azad olunaraq, Ağdam rayon məhkəməsinə hakim təyin olunub.

Ağdamın icra başçısı Vaqif Həsənovun iclasda məni təhqir etməsinə isə şübhəm yoxdur.

Belə ki, icra başçısı Vaqif Həsənovun vətəndaşları təhqir etməsi ilk hal deyil. İcra başçısı Vaqif Həsənov qəbuluna gələn Ağdam rayon Mirəşelli kənd sakini, şəhid Baloğlan Novruz oğlu Quliyevin bacısı Sahibə adlı xanıma “sözün qurtardısa, bas bayıra” deyərək, qovmuşdur. Hətta bu yaxınlarda sosial şəbəkələrdə vaqonda yaşayan Ağdam rayon Qiyaslı kənd sakini, qazi Sadiq Əliyev də “Azad söz”, “Kanal 13” və digər internet resuslarında çıxış edərək bildirmişdir ki, icra başçısı Vaqif Həsənovun qəbuluna getsə də başçı onu təhqir edərək, otağından qovmuşdur. Belə məlumatları sadalamaqla bitməz. Bildirim ki, özüm şəhid qardaşıyam, üç azyaşlı övlad atası olmaqla yanaşı övladlarımdan biri və həyat yoldaşım ağır xəstəlikdən əziyyət çəkir. Özümün də səhhəttim ağırdır çünki bir böyrəklə yaşayıram.

Ağdamın icra başçısı Vaqif Həsənovun vəzifə səlahiyyətlərindən istifadə edərək, rayon məhkəməsinin hakimi Mahir Niftəliyevin vasitəsi ilə mənə təzyiqlərinə etiraz əlaməti olaraq, gələn həftə Ağdam rayon İcra Hakimiyyətinin inzibati binasının qarşısında özümü yandırmaqla, intihar edəcəm!

Xüsusi olaraq qeyd edim ki, Ağdam rayon İcra Hakimiyyətinin başçısı Vaqif Həsənov Bakı Hərbi məhkəməsinin sədri Həbib Həsənovun qardaşıdır. Və icra başçısı Vaqif Həsənov açıq – aşkar bildirir ki, məndən şikayət edənləri məhkəməyə verməklə susdururam. Hansı hakimin duxu çatar ki, mənim qardaşıma görə kimsə istədiyim qərarı çıxartmaya….