Gəncə-Daşkəsən Regional Təhsil İdarəsinin təşkilatçılığı ilə Gəncə Dövlət Filarmoniyasında şəhid övladları üçün “Qış nağılı” adlı tədbir keçirilib
Gəncə-Daşkəsən Regional Təhsil İdarəsinin təşkilatçılığı ilə Gəncə Dövlət Filarmoniyasında şəhid övladları üçün “Qış nağılı” adlı tədbir keçirilib.
Gəncədə şəhid övladları üçün “Qış nağılı” adlı Yeni il şənliyi keçirilib.Gəncə Dövlət Filarmoniyasında baş tutan tədbirdə Gəncə Şəhər İcra Hakimiyyətinin başçısı Niyazi Bayramov, Gəncə-Daşkəsən Regional Təhsil İdarəsinin müdiri Anar Qədiməliyev, idarə və müəssisə rəhbərləri, məktəb direktorları, bağça müdirləri iştirak ediblər. Tədbirə Regional Təhsil İdarəsinin tabeliyində olan ümumtəhsil məktəblərində təhsil alan 122 nəfər şəhid övladı və onların ailə üzvləri qonaq qismində qatılıb. Bayram şənliyində məktəbəqədər təhsil müəssisələrində tərbiyə alan uşaqlar, orta məktəb şagirdləri və Uşaq-Gənclər İnkişaf Mərkəzinin üzvləri müxtəlif kompozisiyalarla çıxış ediblər. Yeni il tədbirinə Şaxta baba və Qar qızın gəlişi uşaqlar tərəfindən böyük sevinclə qarşılanıb. Şən musiqi nömrələri, maraqlı səhnəciklər və rəqslərlə davam edən tədbirdə uşaqlara bayram hədiyyələri verilib.
