Naxçıvanda yaşayış binasında baş verən yanğın söndürülüb.
“Zirvə yolu”nun xəbərinə görə, hazırda binada soyutma işləri aparılır.
İlkin ehtimala görə, yanğın elektrik xətlərində olan qısaqapanma nəticəsində baş verib.
Fövqəladə Hallar Nazirliyi Naxçıvandakı yanğınla bağlı məlumat yayıb.
“Zirvə yolu” bu barədə FHN-dən verilən məlumata istinadən xəbər verir.
FHN-dən bildirilib ki, şəhərin 2-ci mikrorayon ünvanında yerləşən beşmərtəbəli yaşayış binasının dam örtüyündə yanğın olması barədə ilkin məlumat daxil olub.
Məlumatla əlaqədar yanğından mühafizə bölmələri çağırış üzrə cəlb olunub.
Hazırda yanğınsöndürmə işləri davam edir.
Naxçıvan şəhərində beşmərtəbəli yaşayış binası yanır.
“Zirvə yolu”nun xəbərinə görə, yanğın şəhərin 2-ci mikrorayon ərazisində, Naxçıvan Universitetinin yaxınlığında baş verib.
Bina sakinləri təxliyə edilib.
Əraziyə yanğınsöndürən və təcili tibbi yardım briqadaları cəlb olunub.
