Madaqaskarda qanunsuz miqrantları daşıyan qayığın batması nəticəsində 22 nəfər ölüb.

“Zirvə yolu” bu barədə yerli KİV-ə istinadən xəbər verir.

Məlumata görə, Mayotte adasına gedən qanunsuz miqrantları daşıyan qayıq ölkənin şimalındakı Nosi Fali adasının yaxınlığında batıb.

Qəza zamanı 22 nəfər həlak olub, 23 nəfər xilas edilib.

Hadisə zamanı qayıqda 47 nəfər olub. Hazırda itkin düşən 2 nəfərin axtarışları davam edir.