ABŞ Senatı Ağ evin İraqda hərbi güc tətbiq etmək hüququnu ləğv edən qanun layihəsini təsdiqləyib.
“Zirvə yolu” “Politico”ya istinadən xəbər verir ki, düzəlişlər Ağ evin 1991 və 2002-ci illərdə ABŞ-nin İraqdakı hərbi kampaniyasından əvvəl təsdiq edilmiş səlahiyyətlərini ləğv edəcək.
Sənəd 66 senatorun səsi ilə təsdiqlənib. Qərar Konqres tərəfindən də dəstəklənməlidir.
Düzəlişlərin tərəfdarları iddia edirlər ki, qanun layihəsi Yaxın Şərqdə gələcəkdə hərbi gücdən sui-istifadə hallarının qarşısını almaq və İraqın strateji tərəfdaş statusunu möhkəmləndirmək üçün çox vacibdir.
