Pakistanda ekstremistlərin Lakki Marvat bölgəsində yerləşən nəzarət-buraxılış məntəqəsinə hücumu nəticəsində azı 4 polis ölüb, 6-sı yaralanıb.

“Zirvə yolu” TASS-a istinadən xəbər verir ki, bu barədə yerli polis idarəsi məlumat yayıb.

Bildirilib ki, hadisə bu gün səhər saatlarında baş verib. Ekstremistlər nəzarət-keçid məntəqəsinə hücum ediblər və nəticədə atışma olub. Polis bölməsindən nəzarət-buraxılış məntəqəsinə gedən yolda yerləşdirilmiş partlayıcının işə düşməsi nəticəsində 4 polis həlak olub.

Qeyd olunub ki, polislər ekstremistlərin hücumunu dəf edə bilib. Hüquq-mühafizə orqanlarının əməkdaşları hadisə yerində əməliyyat-axtarış tədbirləri həyata keçirir.