Kimliyi bəlli olmayan şəxslər “Liverpul”un “Mançester Siti” ilə oyunundan sonra “qırmızılar”ın avtobusuna hücum edib.

“Zirvə yolu” xəbər verir ki, bu barədə “The Sun” nəşri yazıb.

Məlumata görə, mersisaydlıların oyundan sonra evə qayıtdığı avtobus hücuma məruz qalıb və zədələnib. Nəqliyyat vasitəsinin pəncərəsinə kərpic atıldığı, nəticədə məşqçilər korpusunun nümayəndələrindən birinin xəsarət aldığı bildirilir. Polis hadisə ilə bağlı araşdırmalara başlayıb.

“Şəhərlilər” də kənarda qalmayıb və bu hadisə ilə bağlı açıqlama yayıb.

“Mançester Siti” “Liverpul”un əməkdaşının bugünkü oyundan qayıdarkən zədələndiyi haqqında bilgiləndirilib. Anladığımız qədər, yaşayış ərazisində komandanın avtobusuna tərəf əşya atılıb.

Bu qəbildən olan hadisələr qətiyyən yolverilməzdir və biz məsuliyyət daşıyan şəxslərin hərəkətlərini qətiyyətlə pisləyirik. Biz bu hadisənin Böyük Mançester polisi tərəfindən araşdırılmasına əlimizdən gələni edəcəyik.

Bundan başqa, klub bugünkü oyun zamanı ev azarkeşlərindən yerli qışqırıqlar eşitdiklərinə görə məyusdur. Biz bu qışqırıqların səbəb ola biləcəyi hər hansı bir təhqirolunmaya görə təəssüflənirik və bu cür nifrət nitqini matçlarımızdan yığışdırmaq üçün işləməyə davam edəcəyik”, – açıqlamada qeyd olunub.

Xatırladaq ki, aprelin 1-də “Etihad” stadionunda baş tutan “Mançester Siti” – “Liverpul” qarşılaşması – hesabın “qırmızılar” tərəfindən açılmasına baxmayaraq – Pep Qvardiolanın yetirmələrinin 3 top üstünlüyü ilə qələbəsi ilə başa çatıb – 4:1.