Bakı-Qazax magistral avtomobil yolunun Gəncə-Daşkəsən avtomobil yolu ilə kəsişən hissəsində tikilmiş yol qovşağının işıqlandırılması təmin olunub.
“Zirvə yolu”nun məlumatına görə, vətəndaşların və avtomobillərin gecə saatlarında hərəkətinin təhlükəsizliyinin, rahatlığının təmin edilməsi məqsədi ilə Göygöl rayon ərazisindən keçən Bakı-Qazax magistral avtomobil yolunun Gəncə-Daşkəsən avtomobil yolu ilə kəsişən hissəsində tikilmiş yol qovşağının gecə işıqlandırılması təmin edilib.
Qeyd edək ki, işlər Göygöl Rayon İcra Hakimiyyətinin və Azərbaycan Avtomobil Yolları Dövlət Agentliyinin birgə təşkilatçılığı ilə həyata keçirilib.
Onu da bildirək ki, həmin yol qovşağında öncələr işıqlandırılma olmadığından dəfələrlə yol-nəqliyyat hadisələri baş verib.
