Qax rayonunun Ağçay kəndi yaxınlığında dağlıq-meşəlik ərazidə itkin düşən şəxsin kimliyi məlum olub.
“Zirvə yolu”nun məlumatına görə, həmin şəxs İlisu kənd sakini, 1993-cü il təvəllüdlü Rəhman Sədrəddin oğlu Kamallıdır.
O, iyul ayının 23-də rayonun Sarıbaş kənd sakini Ramazan adlı çoban tərəfindən həmin kənd yaxınlığındakı “Alagöz” yaylağına fermada işləmək üçün aparılıb.
Həmin gündən etibarən onun itkin düşdüyü ehtimal edilir.
Hazırda FHN-nin Şimal-qərb Regional Mərkəzinin xilasetmə qüvvələri axtarış-xilasetmə işlərinin aparılması üçün əraziyə cəlb olunub, aidiyyəti dövlət qurumları məlumatlandırılıb.
Hazırda axtarış-xilasetmə işləri həyata keçirilir.
Daxili İşlər Nazirliyinin Mətbuat Xidmətinin Şəki regional qrupundan bildirilib ki, rayon polis şöbəsinin və digər aidiyyəti qurumların əməkdaşları axtarışlara cəlb olunub.
Onun tapılması istiqamətində tədbirlər davam etdirilir.
Qaxda meşədə bir nəfər itkin düşüb.
“Zirvə yolu” xəbər verir ki, bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, FHN-in “112” qaynar telefon xəttinə Qax rayonunun Ağçay kəndi yaxınlığında dağlıq-meşəlik ərazidə naməlum şəraitdə 1 nəfərin itkin düşməsi barədə məlumat daxil olub.
Məlumatla əlaqədar FHN-nin Şimal-qərb Regional Mərkəzinin xilasetmə qüvvələri axtarış-xilasetmə işlərinin aparılması üçün əraziyə cəlb olunub, aidiyyəti dövlət qurumları məlumatlandırılıb.
Hazırda axtarış-xilasetmə işləri həyata keçirilir.
