Bu gün ziyalı müəllim Abbaszadə Nəsiminin 50 illik yubileyidir.

Biz də redaksiyamız adından dəyərli Nəsimi müəllimi doğum günü münasibətilə təbrik edirik. Ona möhkəm cansağlığı, uzun ömür, ailə səadəti və işlərində müvəffəqiyyətlər arzu edirik.

İndi isə Nəsimi müəllim haqqında məlumat verək:

Abbaszadə Nəsimi Alipolad oğlu 06 sentyabr 1973-cü ildə Daşkəsən rayonunda dünyaya gəlib. O, 1980-ci ildə Gəncə şəhər 16 saylı orta məktəbin 1-ci sinfinə daxil olub, 1990-cı ildə həmin məktəbin 11-ci sinfini gümüş medalla bitirib. 1990-cı ildə AKTİ-nin iqtisadiyyat fakültəsinə daxil olub,1995-ci ildə AKTA-nin (indiki ADAU-nun) iqtisadiyyat fakültəsini fərqlənmə diplomu ilə bitirib. 2001-2003-cü illərdə ADAU-nun dissertantı olub. Həmin illərdə doğma təhsil ocağında müəllim işləyib. 2003-2004-cü illərdə GYGES-də iqtisadçı, 2004-2008-ci illərdə ABB-nin Gəncə filialında əməliyyatçı, son üç ildə şöbə müdiri işləyib. 2010-cu ildən indiyə qədər təkrar doğma ADAU-da Aqrar sahənin iqtisadiyyatı kafedrasında baş müəllim vəzifəsində çalışır.

Qeyd edək Nəsimi müəllim ailəlidir, 2 övladı var. Həyat yoldaşı da ziyalı xanımdır, çünki o, da Azərbaycan təhsilinə durmadan əmək verən müəllimədir. Nəsimi müəllimin övladları da ali təhsillidir. Qızı həkim, oğlu isə Access Bankın Lökbatan filialında kredit mütəxəssisi işləyir.

Baş redaktor: Arif Baratzadə