ADA Universiteti, “Azərenerji” ASC, İtaliyanın “Ansaldo Energia” şirkəti və Turin Universiteti Anlaşma Memorandumu imzalayıb.

“Zirvə yolu” xəbər verir ki, bu barədə “Azərenerji”yə istinadən xəbər verir.

Məlumata görə, sənədə İtaliyadan nümayəndə heyətinin Bakıya səfəri zamanı imza atılıb.

Razılaşmaya əsasən “AzərEnerji”nin Şüvəlandakı “Şimal” Elektrik Stansiyasının ərazisində Tədris və Laboratoriya Mərkəzi yaradılacaq. Burada qlobal çağırışlara cavab verəcək yeni texnologiyaları çevik mənimsəyən, rəqabətqabiliyyətli, yüksəkixtisaslı peşəkar kadrların hazırlanması təmin ediləcək.