Qadın voleybolçulardan ibarət “Gəncə” voleybol klubu Azərbaycan Yüksək Liqasının 2023-2024-cü il mövsümündə ilk qələbəsini qazanıb.

Ölkə çempionatının üçüncü turunda “Gəncə” klubu səfərdə UNEC-in qonağı olub. Görüşə fəal başlayan “Gəncə” ilk seti 25:8 hesabı ilə öz xeyrinə başa vurub. Ardıcıl iki setdə 25:19 hesablı qələbə qazanan komandamız cari mövsüm ilk xallarını aktivinə yazdırıb.

Gənclər və İdman Nazirliyinin Voleybol Mərkəzində təşkil olunan oyunda 3:0 hesablı qələbə qazanan “Gəncə” növbəti görüşünü də səfərdə keçirəcək. Komanda “Abşeron”un qonağı olacaq.