Yanvarın 29-dan fevralın 1-dək sərbəst və Yunan-Roma güləşi üzrə U-20 Azərbaycan çempionatı keçiriləcək.

Azərbaycan Güləş Federasiyasının Gənclər və İdman Nazirliyi ilə birgə təşkil edəcəyi yarışı beynəlxalq və milli dərəcəli hakimlər idarə edəcəklər.

Bakı İdman Sarayında baş tutacaq çempionatın ilk iki günündə sərbəst, növbəti iki gündə isə Yunan-Roma güləşi üzrə qaliblər müəyyənləşəcək.
Gənclərdən (U-20) ibarət milli komandalara seçim xarakteri daşıyan yarışın görüşləri hər gün saat 10:00-da başlayacaq.