Ölkəmizdə ən çox sifariş qəbul edən şirkətlərdən biri yemək xidməti təqdim edən şirkətlərdir. FED.az 2023-cü ildən günümzədək yemək xidməti sahəsində keçirlən tenderlərin qaliblərini araşdırıb.
Tender yolu ilə 2023-cü ildən indiyənədək müxtəlif şirkətlər tərəfindən toplamda 117 487 541 AZN dəyərində yemək xidməti sifarişi qəbul olunub. Bu tenderlerin 105 188 937 manatı ve ya 90 faizi Tehsil Nazirliyinin payına düşür.
Qeyd edilən zaman kəsiyində sayca ən çox sifariş qəbul edən şirkət “Tais İkf” MMC olub. Adı çəkilən şirkət 39 milyon 102 min AZN dəyərində 3 tenderi (Təhsil Nazirliyindən) udub.
Məbləğə nəzər yetirdikdə isə maksimum dəyərdə sifarişi “El-Oba” QSC şirkəti alıb. Şirkət nə az nə çox 43 981 650 AZN dəyərində 2 tenderin (Təhsil Nazirliyindən) qalibi seçilib.
Digər şirkətlərdən “Məişət İst” MMC, “Sabko” MMC, “Gulay-Food” MMC və “Seaport Catering” MMC şirkətləri dəyəri milyon manatdan yuxarı olan tenderləri udublar.
Adı çəkilən şirkətlərdən başqa 1 fiziki şəxs Ziyafət İsa Oğlu Fərzəliyev 2 müxtəlif quruma yemək xidməti təqdim edərək 3 766 258 AZN qazanıb.
5 şirkət yemək xidməti sahəsi üzrə milyon manatdan aşağı olan tenderlərini qalibi olub.
Qeyd edək ki, “El-Oba” QSC 2019-cu ildə yaradılıb, nizamnamə kapitalı 2 000 AZN təşkil edir. Şirkətin qanuni təmsilçisi Vüsal Niftiyev Maşalla oğludur. Hüquqi ünvanı Bakı Şəhəri Binəqədi Rayonu, Biləcəri Ştq, Yeni Yaşayış Sahəsi, ev 6 ünvanında yerləşir.
“Tais İKF” MMC 1994-cü ildə yaradılıb, nizamnamə kapitalı cəmi 10 AZN təşkil edir. Şirkətin qanuni təmsilçisi Rafail Şirinov Məmməd oğludur. Hüquqi ünvanı, Bakı Şəhəri Nərimanov Rayonu, Ələsgər Qaibov, ev 5 ünvanında yerləşir.
Qeyd edək ki, “Məişət İst” MMC 1994-cü ildə yaradılıb, nizamnamə kapitalı 2 574 640 AZN təşkil edir. Şirkətin qanuni təmsilçisi Nicat Cəfərov İzahat oğludur. Hüquqi ünvanı AZ1149, Bakı Şəhəri Xətai Rayonu, Əhmədli Ştq, General Şıxlinski, ev 1A ünvanında yerləşir.
Qeyd edək ki, “Sabko” MMC 2014-cü ildə yaradılıb, nizamnamə kapitalı 10 AZN təşkil edir. Şirkətin qanuni təmsilçisi Amil Sadıqov Telman oğludur. Hüquqi ünvanı AZ1010, Bakı şəhəri Nəsimi rayonu, Mikayıl Rəfili, ev 30, m. 5 ünvanında yerləşir.
Qeyd edək ki, “Gulay-Food” MMC 2016-cı ildə yaradılıb, nizamnamə kapitalı 1 AZN təşkil edir. Şirkətin qanuni təmsilçisi Natiq Əlisoy Hüseyn oğludur. Hüquqi ünvanı AZ1031, Bakı şəhəri Nizami rayonu, Əzim Əzimzadə, ev 5, m. 3 ünvanında yerləşir.
Qeyd edək ki, “Seaport Catering” MMC 2023-cü ildə yaradılıb, nizamnamə kapitalı 325 020 AZN təşkil edir. Şirkətin qanuni təmsilçisi Namiq Həsənov Rizvan oğludur. Hüquqi ünvanı AZ1141, Bakı şəhəri Yasamal rayonu, Hüseyn Cavid pr., ev 528 məhəllə, ev V, m. 25 ünvanında yerləşir.
