Yuxarı Lars keçid məntəqəsində 3,2 mindən çox yük maşını Rusiya-Gürcüstan sərhədindən keçmək üçün gözləyir. “Zirvə yolu” xəbər verir ki, Gürcüstana avtomobillə daxil olan insanların əksəriyyəti saatlarla növbədə dayanmaq məcburiyyətində qalır.Şimali Osetiyada tranzit avtomobillərin dövlət sərhədində toplanması ilə əlaqədar yüksək hazırlıq rejimi tətbiq edilib. Bu işlərin tərkib hissəsi olaraq, dayanacaqlar boşalana qədər yük maşınlarının bölgəyə girişi məhdudlaşdırılır.Qeyd edək ki, Yuxarı Lars keçid məntəqəsi 39 zolaqdan ibarətdir. Onlardan 12-si yük daşımaları, ikisi avtobuslar, biri ehtiyat, 24-ü isə minik avtomobilləri üçün nəzərdə tutulub.