Şəki şəhəri, Məzahir Abbasov küçəsi, ev 32-də qeydiyyatda olan və hazırda Bakı şəhərində Binəqədi rayonunda kirayədə yaşayan Musayev Ziya Əsəd oğlu tərəfindən başda Prezident İlham Əliyev olmaqla Baş prokuror Kamran Əliyevə, Ədliyyə naziri Fərid Əhmədova, Mərkəzi Bankın İdarə Heyətinin sədri Taleh Kazımova, «Turan Bank» ASC-nin İdarə Heyətinin sədri Orxan Qarayevə və bir sıra digər aidiyyatı dövlət qurumlarının rəhbərlərinə «Turan Bank» a girov qoyduğu şəxsi evinin borcunu tam bağlamağa imkan verməyən Problemli Kreditlərlə iş Depertamentinin Direktoru Hacıyev Röyal və dəstəsi tərəfindən saxtakarlıqla ələ keçirilməsi ilə bağlı müraciət ünvanlanıb. Bir nüsxəsi də Aktualinfo.org-a daxil olan müraciətdə deyilir: Çox hörmətli cənab Prezident İlham Əliyev, Siz həmişə rəsmi çıxışlarınız zamanı xüsusi qeyd edirsiniz ki, mən hər bir azərbaycanlının Prezidentiyəm. Bəli, biz də həmişə ailəvi olaraq Sizə hər seçki zamanı səs verir və güvənirik ki, bizim belə bir müzəffər Ali Baş Komandanımız var. Allah Sizi saxlasın. Ona görə də bir ümid yeri kimi bu gün yalnız Sizə müraciət etməklə hazırda azyaşlı övladlarımla çıxılmaz vəziyyətdə qalmağıma köməklik göstərilməsini xahiş edirəm. Mən 2017-ci ildə Şəki şəhəri Məzahir Abbasov küçəsində qonşu olduğum İlqar Mikayılov adlı şəxsin xahişi ilə öz şəxsi yaşadığım evimi borc alana zamin olaraq “Turan Bank”ın Zaqatala filialına girov qoydum. Məqasəd guya fermer təsəsrrüfatı yaradacaqmış və məni də bu işə cəlb edəcəkmiş. Elə aradan az vaxt keçməmiş eşitdim ki, İlqar ailəsini də götürüb Rusiyaya qaçıb. Məlum oldu ki, o mənim kimi adamların etimadından süi-istifadə edərək dələduzluq edib pullarını mənimsəyib. Doğrudur, məndən başqa iki nəfər də İlqara zamin durmuşdular. Lakin ortada qalan tək mən oldum. Bank məndən İlqarın götürdüyü 15000 manat kredit borcun ödənilməsini tələb edirdi. Əlimə keçəndən bir az ödənişlər etdim. Bank məni məhkəməyə verdi. Və məhkəmə 17500 manat faizlərlə birlikdə ödəmə qərarı çıxartdı. 2024-cü ilin yanvarında “Turan Bank” ın Zaqatala filialından bildirdilər ki, cəmi 14300 manat borcu ödəməlisən. Bu ilin may ayında 3000 manat, iyun ayının 13-də isə 5000 manat gətirib bankda açılmış carı hesaba ödəniş etdim. Çünki, məhkəmə qərarı Şəki İcra Şöbəsinə yönləndirilmişdir. İcra mənə 15 iyuna qədər borcun tam ödənilməsi üçün vaxt vermişdir. Mən mayın 16-da 3000 manatı ödədikdə öhdəlik götürdüm ki, cari ilin avqustun sonuna qədər İ.Mikayılovun banka kredit borcunu tam ödəyəcəyəm. İyunun 13-də əlavə gətirib 5000 manat da ödədikdə mənə açılan cari balansda 11 181 manat pul qaytarıldı. Mənə bildirdilər ki, Banka cəmi 6300 manat borcun qalıb. Və Zaqatala filialı Şəki İcra Şöbəsinə iyunun 13-də rəsmi məktub göndərərək bildirdi ki, borcla bağlı icraat dayandırılsın. Mən mayın 16-da 3000 manat ödəniş etdikdən sonra Bankın Problemli Kredit Depertamentin direktoru Hacıyev Röyalın qəbuluna düşüb xahiş edirdim ki, mənə bir az vaxt verin ki, borcu tam bağlayım. O isə üzümə qışqırıb deyirdi ki, get özün bilərsən amma müştəri tapan kimi sənin evini satacağam. O hər dəfə pul gətirib ödəniş edəndə əsəbiləşirdi, narahat olurdu. Bəli, iyun ayının 13-də də 5000 manat ödəyib Röyalın qəbuluna girmək istəyəndə o məni qovdu. Dedi nəyə gəlirsən çıx otaqdan. Və öz iş yoldaşı ilə mənim məsələmi müzakirə etdi İyunun 15-də isə “Turan Bank”ın Zaqatala filialından Mənsur müəllim 055-220 96 62 telefon nömrəsindən mənə zəng edib bildirdi ki, Ziya biz Şəkidəyik. Gəl evinin açarını sənə təhvil verək. Bildirdim ki, mən hazırda Bakıdayam. Gəlib çata bilməyəcəm. Qoy borcu bu yaxında tam bağlayım o zaman açarı da rahat götürərərm. Lakin iyunun sonunda bankın mənə yaxın bir işçisi zəng edərək bildirdi ki, sən pulu ödəsən də ödəməsən də müdir( Röyalı nəzərdə tutur) sənin evini satacaq xəbərin olsun. Mən dərhal iyulun 3-də Prezident Administrasiyasına və Mərkəzi Banka şikayət məktubu göndərdim. 2024-cü ilin iyulun 25-də Mərkəzi Bankdan rəsmi Röyalın saxta və əsassız arayışına əsasən cavab gəldi ki, sizin eviniz “Turan Bank” tərəfindən iyulun 2-də satılmışdır.” Və buradan mənə aydın olur ki, mən şikayət verən gündən 1 gün əvvələ “Turan Bank” arxa tarixlə evimin satışını 24400 manata öz adamlarından birinə satmışdır ki, sonrdan bazar qiymətinə 80000 manata satıb pul qazansınlar. Mən o zaman başa düşdüm ki, Naxçıvan əsillli Hacıyev Röyal bankın Problemli Kreditlər Depertamentin rəhbəri olsa da, o vətəndaşla bank arasında problemin həll edilməsinə deyil, yaranmış problemdən öz xeyrinə qazanc əldə etmək üçün qulluq mövqeyindən süi-istifadə etməklə mənim kimi sadə insanların son ümidi olan evini əlindən almaqda ustalaşıb. Və əsassız varlanmaqla məşğuldur. Mən son vaxtlar hər dəfə 1000 manat, 3000, 5000 manat ödəniş edəndə o qıcıqlanırdı, əsəbiləşirdi. Lakin normalda Problemli Kredit müdiri buna sevinməlidir ki, problem aradan qalxmaq üzrədir. Röyal isə arxalandığı adama güvənərək qeyri-etik davranışla, “ Ə, get hara istəyirsən şikayət et, Onsuz da sənin evini müştəri tapıb satacağam., mənim qəbuluma gəlmə və s. Etik qaydalardan kənar münasibət sərgiləyirdi. Sonda da, yəni, mən 6300 manat borc tapıb iyulun sonunda pulu tam banka ödəmək istədikdə bildirdilər ki, xeyri yoxdur, sənin evin satılacaqdır.” Axı mən avqustun sonunadək Şəki İcra Şöbəsində borcun tam bağlanması barədə yazılı öhdəlik götürmüşdüm. Digər tərəfdən də iyunun 15-də “Turan Bank” rəsmi olaraq Şəki İcra Şöbəsinə məktub göndərərək İcraanın dayandırılması barədə xahiş etmişdir. Bu tərəfdən də Hacıyev Röyal öz adamı olan “müştəri” tapıb və təcili olaraq kağız üzərində formal və saxta hərrac keçirməklə, evin alınması üstünlük hüququ mənə verilmədən və məlumat bildirilmədən qəfil olaraq arxa tarixlə, 2 iyulda alqı-satqı edirlər. 24500 manat pulu isə alqı-satqıdan 5-10 gün sonra edirlər. Hesab edirəm ki. Hacıyev Röyal “Turan Bank”ın deyil, öz şəxsi maraqları ilə qulluq mövqeyindən süi-istifadə edərək sxtakarlıqla, aldatma yolu ilə cari hesaba ödənilmiş 11181 manat köçürməyə baxmayaraq, borcun tam ödənilməsinə imkan verməyərək( Bankın daxili qaydalarını pozaraq) evimi su qiymətinə alqı-satqı edərək cinayət törətmişdir. Hüquq-mühafizə orqanları təbii ki, mənim kimi çoxsaylı vətəndaş şikayətləri olan məhz Röyalın Problemli Kredit Depertamentinin son 5 illik fəaliyyətini Mərkəzi Bank səviyyəsində əvvəlcə yoxlamasını təşkil etməli, və “Turan Bank”ın nüfuzuna ciddi xələl gətirən belə tip işçilərin dərhal cəzalanaraq məsuliyyətə alınmması üçün hüquq –mühafizə orqanlarına bankın idarə heyəti sədri səviyyəsində təqdimat yazılmalıdır. Ki, bundan sonra kimsə özünü bankdaxilində Röyal kimi yekəxana və çox qazanmaq hərisi kimi aparıb müştəriləri narazı salmasın. Şəkidə işləyən polis tanışım da bildirdi ki, təkcə Şəkidə “Turan Bank”dan bilirsən nə qədər şikayətlər var? Mən, şəxsən Azərbaycan Sahibkarlıq Konfederasiyasının , ASK-nın prezidenti, hörmətli ağsaqqal Məmməd Musayevə müraciət edirəm. Özüm yüksək faizli şəkər xəstəsiyəm. Ailədə 3 övladım orta məktəbdə təhsil almasını və 70 yaşlı ürək xəstəsi olan anamın ömrünü həsr etdiyi Şəki şəhərində “Turan Banka”a girov qoyduğumuz evimizin bizə qaytarılması üçün qalan 6300 manatı da ödəməklə bizə qaytarılmasına köməklik göstərməyinizi ailəliklə xahiş edirik. Cənab Prezident və Mərkəzi Bankın İdarə heyətinin sədri cənab Taleh Kazımov. Sizdən çox xahiş edirəm ki, “Turan Bank” ın Problemli Kredit Depertamentinin direktoru Hacıyev Röyalın bankada girov qoyulan şəxsi evimizin fırıldaq və saxtakarlıqla ələ keçirilməsi üçün törətdiyi qanunpozuntularının araşdırılmasına və hüquqi qiymət verilməsi üçün aidiyyatı orqanlara göstəriş verməyinizi xahiş edir və əvvəlcədən minnətdarlığımı bildirirəm. Aktualinfo.org
