Bakıda 8 Noyabr – Zəfər Gününə hazırlıq işləri yekunlaşıb.
“Zirvə yolu” xəbər verir ki, paytaxtın küçə və prospektlərində 8 noyabrla bağlı plakatlar asılıb, Zəfərlə bağlı şüarlar yazılıb.
Binaların eyvanlarından isə Azərbaycan bayraqları asılıb.
Həmçinin noyabrın 8-i saat 19:00-da Dənizkənarı Milli Parkda yerləşən Saat qülləsinin qarşısında geniş bayram konserti keçiriləcək. Ardınca atəşfəşanlıq təşkil olunacaq.
Qeyd edək ki, 2020-ci ilin sentyabrın 27-də Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə bütün cəbhəboyu əks-hücum əməliyyatlarına başlayıb və noyabrın 10-da Azərbaycanın tam qələbəsi ilə başa çatıb.
Prezident İlham Əliyevin sərəncamına əsasən, hər il noyabrın 8-i Azərbaycanda Zəfər Günü kimi təntənəli şəkildə qeyd olunur.
