Gəncədə 20 Yanvar şəhidlərinin xatirəsi anılır. “Zirvə yolu” xəbər verir ki, Gəncədə şəhər sakinləri bu gün səhər saatlarından etibarən Şəhidlər xiyabanına axın ediblər. Anım tədbirində Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, ölkədə fəaliyyət göstərən siyasi partiyaların Gəncə şəhər təşkilatları, ictimaiyyət nümayəndələri, hüquq-mühafizə orqanlarının rəhbərləri, şəhid ailələri də iştirak ediblər.
Xiyabanda şəhid məzarları ziyarət olunub. Qəhrəmanların əziz xatirəsinə dualar oxunub, qəbirləri önünə gül dəstələri düzülüb. 20 Yanvar faciəsi abidəsinin önünə əklillər qoyulub.
Saat 12:00-da bir dəqiqəlik sükutla şəhidlərin xatirəsi anılıb.
Aqşin Əsgərov: Bölgə müxbiri
