Türkiyənin xarici işlər naziri Hakan Fidan fevralın 10-dək ABŞ Konqresindən Ankaraya F-16 qırıcılarının satışı ilə bağlı qərar gözləyir.

“Zirvə yolu”nun məlumatına görə, o, bu barədə “A-haber” telekanalının efirində bildirib.

“Biz parlamentdə İsveçlə bağlı qanununu (İsveçin NATO-ya daxil olması haqqında protokol) təsdiq edən kimi ABŞ Prezidenti Cozef Bayden Konqresə məktub göndərdi. Prezidentimiz bu qanunu imzaladıqdan dərhal sonra sənəd həmin tərəfə təhvil verildi və Konqres bu barədə məlumatlandırıldı. Proses belə davam edir: – sənədlər (Türkiyə ilə razılaşma ilə bağlı) Konqresə təqdim edildikdən sonra iki həftəlik gözləmə müddəti var. Ona görə də əminəm ki, iki həftədən sonra, yəni gələn şənbə gününə qədər proses tamamlanacaq”, – deyə Fidan, amerikalı konqresmenlərin Türkiyə ilə bağlı F-16 müqaviləsi barədə qərar verəcəklərini əminliyini ifadə edib.