Türkiyə Prezidenti Rəcəb Tayyib Ərdoğan müdafiə sənayəsi sahəsində daha ciddi uğurların əldə olunacağını deyib.

“Zirvə yolu” xəbər verir ki, prezident bu barədə Afyondakı mitinqdə çıxışı zamanı söz açıb.

“Kaan” milli döyüş təyyarəsi bu gün ilk uçuşunu həyata keçirdi. Müdafiə sənayəsi sahəsindəki addımlarımızı davam etdirəcəyik. Bunların davamı da gələcək”, – R.T.Ərdoğan vurğulayıb.

Türkiyə lideri söyləyib ki, “Qızıl alma” pilotsuz uçuş aparatları F-16 qırıcılarının daşıya bildiyi bombaları daşıyır: “Kaan”ın isə F-16-dan heç bir fərqi yoxdur. Bizə deyirdilər ki, bacarmayaqsınız. Amma bacardıq. Bu işlərin davamı da gələcək”.