İtaliyanın “Napoli” klubu UEFA Çempionlar Liqasının 1/8 final mərhələsinin ev oyununda İspaniya təmsilçisi “Barselona” ilə heç-heçə (1:1) edib.

“Zirvə yolu” xəbər verir ki, görüş Neapolda baş tutub.

Hesabı 60-cı dəqiqədə “Barselona”nın hücumçusu Robert Levandovski açıb. Cavab qolunu 75-ci dəqiqədə meydan sahiblərinin hücumçusu Viktor Osimhen vurub.

Günün digər oyununda isə Portuqaliya “Portu”su evdə İngiltərə “Arsenal”ına minimal hesabla qalib gəlib – 1:0. Matçda yeganə qolu 90+4-cü dəqiqədə Qaleno vurub.

Cavab oyunları martın 12-də müvafiq olaraq Barselona və Londonda keçiriləcək.