Bakının Nizami rayonu, Tofiq Abbasov küçəsi 33 d ünvanında qanunsuz tikinti işi aparılır.
Tribunainfo.az-ın xəbərinə görə, ərazidə tikinti normativləri kobud şəkildə pozulub.
Belə ki, Türkiyədə zəlzələdən sonra yaşayış sahələrinin qeyri-yaşayış sahələrinə təyinatının dəyişdirilməsi ölkə rəhbəri səviyyəsində qadağan olundu.

Buna da səbəb yaşayış binasının 1-ci mərtəbəsindəki əsas sütunların zədələnməsidir. Lakin sözügedən ünvanda bu qaydalar pozulub. Həmçinin, həmin ərazidə səki satılıb. Bundan başqa, rayonun Elşən Süleymanov küçəsi 91 ünvanında da qanunsuzluğa yol verilib.

Eyni zamanda, Nizami rayonunda şəhərsalma haqqında qaydalar kobud şəkildə pozularaq digər tikintilərə göz yumulur. Görünür ki, Nizami icra başçısı və digər səlahiyyətli qurumlar prezidentin son qərarından ya xəbərsizdir, ya da maraqları təmin olunub deyə belə hallara göz yumurlar.
Məsələ ilə bağlı Nizami rayon İcra Hakimiyyəti, habelə Dövlət Şəhərsalma və Arxitektura Komitəsinin mövqeyini dərc etməyə hazırıq.