Artıq növbədənkənar parlament seçkilərinin keçirilməsinə saylı günlər qalıb. 17 yanvardan bugünə kimi aparılan təbliğat-təşviqat kompaniyasının gedişi zamanı, namizədliyi ayrı-ayrı seçki dairələrində qeydə alınmış şəxslərin nə dərəcədə seçici rəğbəti qazanması, hətta ictimai fikirdə hər bir namizədə qarşı formalaşan münasibətin göstəriciləri və s. aşkara çıxdı. Məsələnin diqqəti cəlb edən tərəfi odur ki, ötən günlər ərzində bəzi namizədlər öz potensialının göstəriciləri çərçivəsində təbliğat-təşviqat kompaniyasını həyata keçirdilər, bəziləri isə, seçki günü uduzacaqlarını öncədən hiss edib ilk gündən “qara piar” kompaniyasını aparmağın yolunu tutdular. Həqiqət naminə qeyd edək ki, bu kompaniyanın gedişi çərçivəsində çoxsaylı namizədlər də oldu ki, onlar əxlaqlı təbliğat-təşviqat kompaniyası aparmağın yolunu tutdular. Onlardan biri də 70 saylı Masallı Şəhər Seçki Dairəsindən qeydə alınmış namizəd Məhşur Məmmədov oldu. Fakt budur ki, adı çəkilən bu namizəd hal-hazırda da qeyd olunan seçki dairəsində digər namizədlərə nisbətdə tamamilə fərqlənir və öz üstünlüyünü qoruyub saxlamaqda davam edir. Belə bir uğurun varlığına baxmayaraq, bu gün də Məhşur Məmmədovun uğuruna sevinməyənlər, məhz ona qarşı “qara piar” kompaniyasını aparmaqda davam edirlər. Məsələn, bu günlərdə bəzi sosial şəbəkələrdə 70 saylı Masallı Şəhər Seçki Dairəsi ərazisində seçici olmuş və bir neçə ay bundan əvvəl dünyasını dəyişmiş (mərhumə) Məmmədova Rəxşəndə Qənbər qızının adına, Məhşur Məmmədovun seçki qərərgahında 9 fevral günü seçkidə iştirakla bağlı dəvətnamə göndərilməsi haqda məlumat yayımlanıb və adı çəkilən namizəd, bu və ya digər formada ittiham obyektinə də çevrilib. Amma, həmin məlumatı yayanlar o halın varlığını undurlar ki, seçici siyahılarını dairələr üzrə namizədliyi qeydə alınmış şəxslər müəyyən etmirlər. Yəni, namizəd olan şəxs qeydiyyatdan keçdiyi seçki dairəsində kimin nə vaxt dünyadan köçüb-köçmədiyini müəyyən edə bilməz. Belə bir işlə aidiyyəti dövlət qurumları məlumatlı olurlar. Ona görə də, təkcə Məşhur Məmmədovu deyil, ümumiyyətlə heç bir namizədi bu kimi işlərdə ittiham etməyin hər hansı hüquqi əsası yoxdur. Əvvəla, bu yöndə məlumatı olmayanların da diqqətinə çatdıraq ki, seçici siyahılarının dəqiqləşdirilməsi məntəqə seçki komissiyaları tərəfindən müəyyən olunur və namizəd olan hər kəs, məhz seçici siyahılarını onlara təqdim olun məlumatlar əsasında müəyyən edirlər. O halda sual olna bilər ki, bir neçə ay bundan əvvəl dünyasını dəyişmiş (mərhumə) Məmmədova Rəxşəndə Qənbər qızının, bu gün həyatda olub-olmadığını Məhşur Məmmədovun seçki qərərgahı necə müəyyən edə bilər? Axı, adı çəkilən şəxsin dünyadan köçməsi hada məlumatın verilməsinə, yayılmasına nə Məşhur Məmmədovun özü, nə də ki, onun qərərgahı cavabdehlik daşımır?. Yəni, onu vurğulamaq istəyirik ki, Məhşur Məmmədovun seçki qərərgahı aidiyyatı orqanlardan əldə etdiyi siyahı üzrə dəvətnamə hazırlayıb və seçki haqqında qanunun tələbləri əsasında da yayımlayıb. Belə bir addımla bağlı konkret namizədi, yaxud da onun seçki qərərgahını ittiham etmək olduqca absud məsələdir.

Ona görə də düşünürük ki, potensial namizədə qarşı bu cür ucuz, bu cür çılğın təbliğatı aparmaq, bir kimsəyə başucalığı gətirməyəcək. Daha yaxşı olar ki, bu cür əməl sahibləri “qara piar” kompaniyasından əl çəkib, təbliğat-təşviqat kompaniyası ilə məşğul olsunlar ki, bəlkə bəxtləri “açıla bildi”. O da, bəlkə…

Hazırladı: Xəlil Yusifoğlu