3 aprel 2021-ci ildə Abdulla Şaiqin Mənzil-Muzeyi və Salyan şəhər Ə.Kürçaylı adına 7 saylı texniki fənlər təmayüllü liseyin birgə təşkilatçılığı ilə “Aprel qələbəsi – Qarabağın açarı” adlı onlayn tədbir (Zoom tətbiqi vasitəsilə) baş tutdu. Tədbirdə Abdulla Şaiqin Mənzil-Muzeyinin əməkdaşları, Salyan şəhər Ə.Kürçaylı adına 7 saylı texniki fənlər təmayüllü liseyinin şagirdləri və müəllim heyəti, Bakı şəhərində yerləşən muzeylərin əməkdaşları və KİV nümayəndələri iştirak etdilər. Tədbir vətənpərlik mövzusu ilə bağlı olan şeir, çıxış və məruzələrlə davam etdi.Tədbir iştirakçıları aprel döyüşlərinin zəfərimizin ilk müjdəsi olduğunu, apreldən başlayan zəfər yolunun 2020-ci il noyabrda sona çatdığını qeyd etdilər. Aprel şəhidlərinin xatirəsini sükutla yad edib, heç vaxt unudulmayacaq qəhrəmanlıq eposu olduğunu vurğuladılar.

Allahdan şəhidlərimizə rəhmət dilədilər.

Zirveyolu.info