Aktualinfo.org vətəndaş Əfqan Məhərrəmovun göstərilən dövlət orqanlarına müraciətini olduğu kimi oxuculara təqdim edir. O,yazır:

Mən, Əfqan Məhərrəmov dədə-babadan ömür boyu heyvandarlıq təsəsrrüfatıilə məşğul olmuşuq. Qışlaq dövründə cənub regionunda, Hacıqabul rayonundakı qışlaq ərazilərində, yay vaxtı isə şimal zonasında olan yaylaqlardan istifadə etməklə ailəmizlə birlikdə birtəhər güzəran edirik. 2019-2020-ci illərdə bizim 450 baş xırdabuynuzlu heyvanların yaylaq otlaqla təmin olunması üçün Qusar rayonun Zindan Murug kəndinə məxsus örüş sahələrində hər ili 2000 manat icarə haqqı ödəməklə heyvandarlığımı inkişaf etdirirdim. Budur, 10 gündür ki, yenə də həmişəki kimi Qusar rayonuna gəlib heyvanlara örüş sahəsinin ayrılması üçün kənd bələdiyyəsinin sədri Malik Qurbanovla yeni icarə müqaviləsi bağlamaq istədim. Lakin Malik Qurbanov tam etiraz edərək bildirdi ki, sənin burada yenidən icarə müqaviləsi bağlamağın üçün gərək Prezident Aparatında vəzifəli adamın olsun. Halbuki, hal hazırda 3 yataq ( hər birində 2000 baş qoyun olmaqla) müxtəlif vəzifəli şəxslərə aid olan adamlara qanunsuz olaraq gizli sövdələşmə nəticəsində, yəni heç bir sənədləşmə aparmadan, lakin yüz hektarlarla örüş sahələrini pul-rüşvət qarşılığında bu adamlara vermiş yerli bələdiyyə sədri məni qapıdan qovur. Indi mən Qusar rayonunda çıxılmaz vəziyyətə düşmüşəm. bilmirəm indi heyvanları hara aparım. Yerli kənd sakinləri isə mənə təklif edirlər ki. gəl sən 2000 manat pulu bizə ver, bizə aid olan bu örüş sahələrinin sənə verilməsinə icazə verək. Biz də bu 2000 manat pulla yollarımızı təmir edək. Çünki Bələdiyyə icarə haqlarını necə yığırsa kəndimizə heş bir xeyri dəymir.

Cənab nazir Fikrət Məmmədov. Sizdən də xahiş edirəm ki, ƏN-nin Bələdiyyələrlə iş Mərkəzinə göstəriş verəsiniz ki, hər il olduğu kimi bu ildə Qusar rayon Zindan Murug Bələdiyyə sədri özbaşnalığa son qoyaraq qanuni formada mən fermerlə icarə sənədininin tərtib edilib sahibkarlığımı davam etdiməyimə göstəriş verəsiniz.