Azərbaycanda xarici bankların faəliyyəti həmişə şübhə doğurur.
Bunun ilk nümunəsini İranmənşəli ABŞ vətəndaşı olan ata-oğul Əli Cam və Fuad Camın nümunəsində görmüşük.
Ata-oğul Royal Bankın rəhbərləri olublar.
Təsəvvür edirsiniz, bunlar öz çirkin əməllərinə hətta bizim nazirlikləri də bulaşdırıblar.
Məsələn, fermerlərə ayrılan milyonlarla vəsaiti, daha doğrusu, aqrar kreditləri Kənd Təsərrüfatı Nazirliyi Royal Bank və onun filialları vasitəsilə həyata keçirib. Və tərəflər milyonlarla dövlət vəsaitini mənimsəyiblər.
Çox sonra bəlli oldu ki, ata-oğul eyni zamanda böyük miqdarda pulu vergidən yayındırıb. Və digər maxinasiyalar, çirkli pulların yuyulması bankda həyata keçirilib. Sonra ata-oğula qarşı cinayət işi qaldırılsa da artıq ata-oğul ölkəni tərk etmişdi.
Düzdür, sonra onlar beynəlxalq axtarışa verildi. Amma onlar artıq öz işlərini görmüşdülər.
Bunu yazmaqda məqsədimiz nədir ?
Axı, ABŞ vətəndaşının, özü də İranəsilli, nə marağı var ki, gəlib Bakıda bank açsın, milyonları mənimsəsin və sonra da qaçıb aradan çıxsın.
Eyni proses neçə ildir ki, Ziraat bankda baş verir.
İdarə heyətinin uzun müddət sədri olan Avni Dəmirçi də Əli və Fuad Cam-ların yolunu gedir.
Və nə vaxtsa, ona qarşı da cinayət işi qaldırılacaq. Amma çalışmalıyıq ki, o ölkədən qaça bilməsin.
Məlumat üçün bildirək ki, Avni Dəmirçi ABŞ-da ( yenə ABŞ ) yaşayan Fətullah Gülən sevdalısıdır. Hətta Fətullah Gülənə o dərəcədə bağlıdır ki, Türkiyə dövlətinin rəsmi törənlərinə qatılmır. Deməli, nəinki Azərbaycana, hətta Türkiyəyə buynuz göstərir.
Bütün bunlar azmış kimi bankın bossu açıqlama verib ki, Şuşada bankımızın filialını açmaq istəyirik.
Yəni bu bankla bağlı uzun müddətdir ki, mediada məlumatlar yazılır. Amma ortada hələ nəticə yoxdur.
Düzdür, bir neçə gün əvvəl Avni Dəmirçi bankın idarə heyətindən uzaqlaşdırıldı. Amma səbəb kimi guya rotasiya göstərildi.
Əslində vəziyyət başqa cürdür.
Gündəlik Bakı-ya daxil olan məlumata görə, bankda baş verən qanunsuzluqlar, maxinasiyalar artıq üzə çıxıb. Həbs ediləcəyindən qorxan Avni Dəmirçi öz postunu başqasına ötürməklə canını qurtarmaq istəyir.
Bankda aparılan araşdırmalar Avni Dəmirçinin həbsini reallığa çevirmişdi.
Ancaq daxil olan məlumatlardan bəlli olur ki, Ziraat bankın keçmiş sədrini xilas edən tapılıb.
Bu kim olsa, yaxşıdır ?
Əlbəttə, kabus kimi dolaşan Fətullah Gülən.
Bizə elə gəlir ki, Fətullah Gülənin ölkəmizə uzanan əlini kəsmək və Avni Dəmirçiyə layiq olan cəzanın verilməsinin vaxtı çoxdan çatıb.
Yəqin ki, belə olarsa, Sumqayıtda da Fetoçuların iclaslarına son qoyular. //gundelik-baku.com//