Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Lənkəran şəhər şöbəsinə yeni müdir təyin edilib.
Qaynarinfo-nun əldə etdiyi məlumata görə, nazir Sahil Babayevin müvafiq əmri ilə Dövlət Sosial Müdafiə Fondunun Astara rayon şöbəsinin müdiri Uğur Qurbanzadə vəzifəsindən azad olunub. Nazirin digər əmri ilə Uğur Qurbanzadə Fondun Lənkəran şəhər şöbəsinin müdiri təyin edilib.
Qeyd edək ki, Uğur Əlövsət oğlu Qurbanzadə 1991-ci ildə Lənkəranın Nərimanabad qəsəbəsində anadan olub. Bir müddət Lənkəran Şəhər İcra Hakimiyyəti başçısının Nərimanabad qəsəbəsi üzrə nümayəndəsi vəzifəsində çalışıb.
