“Azərbaycantelefilm” yeni ekran işinin çəkilişlərini başa çatdırıb.

Open.az xəbər verir ki, Xalq şairi Rəsul Rzanın “Son gecə” poemasının motivləri əsasında çəkilən film, Dahi şair İmadəddin Nəsiminin 650 illik yubileyi münasibətilə Azərbaycan Televiziyasının “Nəsimi İli”nə bəxş etdiyi töhfədir.

“Son gecə” filminin quruluşçu rejissorları Xalq artisti Ramiz Həsənoğlu və Nazim Məmmədov, quruluşçu operator, Əməkdar mədəniyyət işçisi Eldar Məmmədovdur.

Filmdə Əməkdar artistlər Vidadi Əliyev, Elşən Rüstəmov, aktyor Vüsal Murtuzəliyev və digər aktyorlar rol alıb.

“Son gecə” filmi sentyabrda tamaşaçılara təqdim olunacaq.