(Bakı 5 avqust Xalıqveri tşkil tdiyi ilk hərracda işlik material satır)

Bəli, bəli, cənab X.Hüseynovun ictimaiyyətə açıqlamasında nə qədər həqiqət payının olub-olması və yaxud niyə indi işlik materialların satılması üçün hərrac keçirilməsi ideyasına apardığımız qısa araşdırmalar zamanı faktlar üzrə əsl həqiqətlərin ortalığa çıxmasına çalışmışıq. Yəni, motiv nədir ki, cənab xidmət rəisi ortalığa “hərrac” oyubazlığını atıb? Belə qaranlıq suallara aydınlıq gətirmək üçün bu istiqamətdə son vaxtlar apardığımız araşdırmaların nəticəsi olaraq deyə bilərik ki, vaxtilə Ağdamın Çəmənli kəndində kolxoz sədri işləmiş Xalıqverdi müəllim əslində “hərrac” oyununu ortalğa atmaqda əsas məqsədi Azərbaycanın dövlət meşə fondunda inventar kimi siyahıya alınmış müxtəlif cinsdən olan qiymətli ağac materiallarını quruyan və ya yaşı keçmiş ağac kimi qələmə verməklə onları əvvəlcə qırıntı-sanitar siyahısına salmaq və seçmə üsulu ilə belə işlik materialların bir hissəsini gözdən pərdə asmaq üçün hərrac təşkil etməklə ayrı ayrı fiziki və ya hüquqi şəxslərə satılmasını təşkil etməkdir. Avqustun 5-də keçirilən ilk hərracdan da göründüyü kimi, 8 nəfər şəxsə cəmi məhz Oğuz və Qəbələ rayonlarından toplanmış 400 kub m həcmdə işlik materialın satışı baş tutmuşdur.
BƏS ƏSLİNDƏ XALIQVERDİNİN “HƏRRAC” OYUNUNUN ARXASINDA HANSI GİZLİ NİYYƏT DURUR?
Əvvəlcə məlumat üçün DogruXeber.az-a istinadən bildirək ki, – Meşələrin İnkişafı Xidmətinin rəisi Xalıqverdi Hüseynov Ətraf Mühitin rəisi işlədiyi zaman meşələri məhv edənlərdən biri olmuşdur və buna baxmayaraq bu şəxs xəstə olduğu və pensiya çıxma vaxtına 11 ay qaldığı halda Muxtar Babayev onu gətirib Meşələrin İnkişafı Xidməti vəzifəsinə rəis təyin etmişdir. Onu da bildirək ki, cənab X.Hüseynov son iki aydır ki, hər həftənin 5-ci günün axşamı işdən sonra Qəbələ şəhərinə gəlir və məsələn bu gün ( avqustun 8-də səhər saat 5-dən Qəbələdən Bakıya xidməti işini davam etdirməyə qayıdır.) Etibarlı mənbənin verdiyi məlumata əsasən X.Hüseynovu Qəbələ Regional Meşə Təsəsrrüfat Mərkəzinin müdiri Ramil Nəsibov ( əvvəllər Ağdaş bazarının girəcəyində ağ növ kələm satırdı) müşayət edir və hər cür qulluğunda dayanır. Cənab V.Nəsibov da öz növbəsində tabe rəhbəri tərəfindən ona verilən “xidməti tapşırıq”ları canla-başla yerinə yetirməyə çalışır. Nədir bu tapşırıqlar? Oğuz və Qəbələnin əksər meşə dolaylarında qiymətli ağac cinslərindən olan ağac materiallarının qırdıb sexlərə satılmasını təşkil etmək. Artıq 1- ilə yaxındır ki, meşə dolaylarında oduncaq adı altında qırıntı zonaları yaradılmaqla işlik material olan qiymətli ağacların kütləvi məhv edilməsinə start verilmişdir. Belə ki, hər yük KAZMAZ markalı avtomobil dolu palıd ağacları 1200 manata, kəsilib doğranmış fıstıq ağacının qiyməti isə 1000 manat təklif olunur. Alıcılar adətən belə materialları Göyçay, Ağdaş, Oğuz və Qəbələdə olan mebel sexlərinə daşıyırlar. Və hər yük avtomobili üçün rəsmi sənəd olan oduncaq material kimi yazılmaqla dövlət büdcəsinə 1 kub m üçün 18 manat vəsait ödənilir. Əgər işlik material üçün bilet sənədləşməsi aparılsaydı dövlət büdcəsinə hər kub m üçün 120 manat ödəmək lazım gələrdi. Bu da alıcıya və Meşə İdarə rəisinə sərf etmədiyi üçün gizli sövdələşmələr zamanı öz qazanclarına uyğun hərəkət edirlər. Nəticədə itirən dövlət büdcəsi, qazanan isə Xalıqverdi Hüseynov olur. Oğuz və Qəbələdən olan ayrı-ayrı mənbələrimizin verdikləri çoxsaylı məlumatlardan aydın olur ki, meşə dolaylarında “qırıntı” adı altında kütləvi surətdə kəsilən işlik materialların kötük hissələrinə meşə işçiləri tərəfindən qanusuz olaraq xüsusi çəkiclə damqalar vurulur. Lakin bu peşəkar meşəçilər unudurlar ki, qırıntı zonası meşə dolayının əksəriyyət hissəsini əhatə edə bilməz. Bu qəti olaraq yolverilməzdir. Buna baxmayaraq milli təbii sərvətlərimizin hesabına külli-miqdarda pul qazanmaq hərisliyi Xidmət rəisi cənab X.Hüseynovu əsla heçnədən çəkindirmir. Proses daha aqressiv formada davam etməkdədir. Məsələn, Qəbələ rayonun Həmzəli kəndi yaxınlığında yerləşən Həmzəli meşələrinin dərə dolaylarında minlərlə təzə kəsilmiş və qırıntı sahəsinə aidiyyatı olmayan böyük sahələrdə iridiametrli palıd və fıstıq ağaclarının kötükləri üzərində qanunsuz damqalama izlərini müşahidə etmək olar. Və belə sağlam işlik materialların qılıması üçün heç bir sənədləşmə işləri də aparılmamışdır.Çoxsaylı şikayətlər əsasında həmin meşəyə gələn ETSN əməkdaşları isə görüntü xatirinə meşənin girəcəyində 1 saatlıq formal müşahidələr aparmaqla işlərini bitmiş hesab edirlər. Əgər ETSN rəhbərliyi faktı yerində yoxlamaq istəyərsə biz dərhal həmin əraziləri yerli sakinlərin iştirakı ilə göstərməyə hazırıq. Təki rəhbərliyin istəyi olsun. Ümumiyyətlə, Azərbaycan meşələrində qırıntı” adı altında damqalanmış ağacların əskəriyyəti hələ də sənədləşdirilməmişdir.

Həmzəli meşəsi ilə bağlı dövlət baçısına ünvanlanmış müraciətdə deyilir:
Hacıyev Həsrət İsfəndiyar oğlu Azərbaycan Respublikasının Prezidenti İlham Əliyev cənablarına şikayət məktubu ünvanlayıb. Bir nüxsəsi də Mediatv.az-ın elektron poçtuna daxil olan şikayət məktubunda deyilir:
Çox hörmətli cənab Prezident İlham Əliyev! Mən, Qəbələ rayonun Həmzəli kəndində yaşayıram.Oğlum Asif Heydərov Qəbələ rayon Meşə Təsəsrrüfatı İdarəsində işləyir.Onun qoruduğu 06 saylı dolayı bir neçə aydır ki, saxta qırma sahəsi adıyla küləvi şəkildə qırır və sonra isə həmin ağacların kötüyünə damqa vururlar. Guya ki. ağaclar qanuni odun üçün kəsilibmiş. Həmin qırılan ərazilərədə bu işi direktor, idərədəki əmək müfəttişi işləyən Kənan Fətullayevə tapşırırdı. Kənan da bir peşəkar olduğu üçün idarəyə təzəcə işə gətirdiyi Elmar adlı qohumunu və idarəyə məxsus UAZ markalı maşını meşənin yanında saxlayaraq URAL və ZİL markalı maşınları ağac kəsib daşımaq üçün meşəyə buraxaraq hər maşın reysi üçün 500 manatdan pul yığdırırlar. Təxmininən son aylarda bu vaxta kimi 220 reys material ( hər URALa ən azı 10 kub m material yığmaqla) tək oğlumun meşəsindən odun adı altında materialı çıxarıb daşıyıb satıblar. Mən dəfələrlə bu işə öz narazılığımı bildirsəm də Kənan və direktor mənə bildirmişlər ki, sənlik deyil, özümüz qaydasına qoyacağıq”… Baxın tək bircə epizod üzrə 6 saylı meşə dolayından 3 ay ərzində 2200 kb m işlik aterial meşə işçiləritərəfndən satılıb və kəsilən ağaclar qanunuz olaraq damqalanıb. Bu da fakt. Yni Azərbaycann bütün meşə fondu Xalqverdinin bu mexanizi əsasında məhv edilir ə külli-miqdarda qazanc götürülür. Hesab ediri ki, bu cinayətlərə ETSN rəhərliyi arayış verməli və tədbirlər görülməsi üçün hüquq-mühafizə orqanlarna təqdmat veməli və özlri də “istfa mədəniyyətindən” istifaə etməlidirər.

Biz, 2021-ci ilin mart ayında nazır cənab Muxtar Babayevin göstərişi əsasında Oğuzun Daşağıl meşəbəyliyinin Muxas meşələrində təzə kəsilmiş yüzlərlə iri və orta diametrli ağacların şahidi olduq və ETSN işçilərilə birlikdə akt tərtib etdik. Bizdən əvvəl isə 70 ədəd kəsilmiş işlik ağaclara görə 1250 manat cərimə yazılmışdır. Budur, həmin ərazidə proses bu gün də davam edir. Və son cərimə aktları 14 iyun 2022-ci ildə simvolik rəqəmlərlə Qəbələ Regional Meşə Təsəsrrüfatı işçiləri tərəfindən sənədləşdirlmişdir. Artıq kəsilmiş iri və orta diametrli ağacların cəmi sayı 1000 ədədi ötmüşdür. Məsələ barəsində yerli sakinlərin meşə gözətçisi olan Bənövşə Həkimovanın səriştəsizliyindən ETSN-nə şikayətlər yazılsa da cənab X.Hüseynov meşə gözətçisinə adi bir töhmət verilməsinə icazə vermir. Çünki, bu adam milli sərvətimizi qorumasa da “planı” artıqlaması ilə yerinə yetirir. Elə region müdiri cənab R.Nəsibov da onu X.Hüseynovun tapşırığı əsasında “mükafat”landırır. Lakin Oğuzun Filfili kəndində meşə inspektoru Kamranın göstərişi və sifarişi əsasında 21 ədəd fıstıq ağacı kəsmiş Xaçmaz kənd sakini iki ağır xəstə uşaq atası olan Elşən Məmmədov isə dərhal 8700 manat cərimələnməklə yanaşı 4 il 6 ay müddətinə həbs cəzasına məhkum edilmişdir.
Onu da xatırlatmaq yerinə düşərdi ki, meşələrin “qırıntı” adı altında kütləvi məhv edilməsi əməliyyatı Azərbaycanın şimal-qərb bölgəsində deyil, eləcə Quba -Qusar, Lerik-Masallı və demək olar ki, bütün zonalarda da analoji olaraq yüksək intensivliklə aparılır.
Məsələn, Lənkəran Regional Meşə Təsərrüfatı Mərkəzinin Razvonabad meşəbəyliyinin 21a saylı meşə dolayının gözətçisi Hidayət Qəribov tərəfindən Azerinfo.az xəbər informasiya agentliyinə 6 avqust 2022-ci il tarixində göndərilən müraciətdə bildirilir:
” Müraciətimlə yazıb Sizə bildirirəm ki, Son dövrlərdə qoruduğum meşə ərazisində külək və qar nəticəsində çoxlu sayda müxtəlif cinsdən olan ağaclar yıxılmışdır. Həmin ağaclar qeydiyyata alınmış, qanunla müəyyən olunmuş “meşə məhsullarının buraxılış orderi”nə əsasən hərbi hissələrə və vətəndaşlara satılmasına Mərkəz tərəfindən sərəncam verilmişdir.
Həmin yıxılmış ağacları Mərkəzin fəhlələri və Təchizat Idarəsinin maşınları ilə aşağı və yuxarı anbarlara daşımışlar. Yerli regional Ekologiya İdarəsi rəisi Şakir Quliyev ayrı-ayrı ərazilərdə qanunsuz qırıntılar üçün şərait yaradır və yaratmaqla məşğuldur.
Necə olur ki, mən Mərkəzin sərəncamına əsasən, Mərkəzin fəhlələri yıxılmış ağacları ” meşə məhsullarının buraxılış orderi”nə əsasən çıxarılanda və yaxud da vətəndaşlara biletə əsasən odun verməklə Şakir Quliyevin əməkdaşları başımın üstün o dəqiqə kəsirlər. Ancaq Masalıı rayonunda olan sexlərə daşınan meşə materiallarının qarşısını ala bilmir.
Xahiş edirəm yuxarıda yazdıqlarımı ictimailəşdirin”
Budur, eyni proses, eyni dəst-xətt. Yəni istər cənub, istərsə də şimal regionlarındakı meşələrimiz eyni qayda tətbiq edilməklə məhv edilməkdədir. Yəni, nəticəyə gəlirirk ki, ETSN-də əyləşmiş “meşə mafiyası” üzvləri meşələrimizin məhv edilməsi və daha çox milyonlar əldə edilməsi üçün mərkəzləşdirilmiş formada idarə olunur. Və indi bizlərə aydın olur ki, belə idarəetmə sisteminə rəhbərlik edilməsini cənab nazir M.Babayev elə-belə, təsadüfən Xalqverdi Hüseynova həvalə etməmişdir. Bu adam peşəkardır və uzun müdət ETSN struktularında çalışdığı müxtəlif vəzifələrdə bütün mümkün kombinasiyaları öyrənmişdir.
Ölkə ictimaiyyətinə Xalıqverdi Hüseynov adı hələ pandemiyanın ölkəmizdə tüğyan etdiyi 2019-cu ilin avqustunda Ərəb turistlərinə məşhur Hacınöhür düzündə çoxsaylı dollar qarşılığında təşkil etdiyi ov mərasimlərindən tanışdır.
Ekologiya və Təbii Sərvətlər Nazirliyi haqqda çoxsaylı yazılarımız oxucularımıza təqdim olunmuşdur. Belə ki, Hüseyinqulu Bağırovun nazir olan dövürlərində Azərbaycanın bir çox ov üçün yararlı əraziləri Ərəblərə demək olaraq satılmışdır. Hətt da xəbər portalımızda Hüseyinqulu Bağırov Azərbaycan torpaqlarını Ərəblərə ərməğan edib başlıqlı yazımız naziriliyi demək olar ki, sirkələmişdir. Bu yazımızdan sonra ETSN-nin Ətraf Mühitin Mühafizəsi Departamentinin direktoru Hüseynov Xalıqverdi Cəmil oğlu redaksiyamıza zəng vuraraq yazının saytdan çıxarılması üçün xahiş minnət etdi. Aşağıdakı videoda görüntülərdən bəlli olur ki, həqiqətən Xalıqverdi müəllimin canfəşanlığına əsas varmış. Belə ki, videoda görüntülənənlər arasında Xalıqverdi müəllimin regionalnı idarəsindəki işçiləri şəxsi avtomobilləri və özləri Ərəblərin xidmətçisi olubmuş. Ancaq bu azmış kimi Azərbaycanın ova yararlı ərazilərini Ərəblərə hədiyyə edən Xalıqverdi müəllim kreslosunu saxlamaq üçün işçisi Sektor müdiri Raqub Mirzəyevin çirkin əməllərindən istifadə edir. Kreslosunu itirmək təhlükəsini yaşayan Xalıqverdi müəllim, ona yaxın olan sektor müdiri Raqub Mirzəyevin ona əks olan bütün şəxsləri gözdənsalma kompaniyası göstərişi verilir. Və beləliklə bir çox şəxslərin Mirzəyev vasitəsi ilə torbasını tikən Xalıqverdi Hüseynov 2020-ci il mövsümündə ərəblərdən qazanacağı pulların şansın əldə edir…”

(Xalıqvedinin işçisinin ərəblərə ov etək üçün günü 300 dollara verdiyi 10 OP 676 nömrəli avtomobil)

Düşünürük ki, elə ərəblərə ov təşkil etməsinə görə Xalıqverdi Hüseynovun necə bir “Vətənpərvər ziyalı”, “dövlət mənafeyini üstün tutan” dövlət qulluqçusu, və ya işğaldan azad olunmuş ata-xala yurdu hesab edilən Ağdama gedib qohumlarının qəbrlərini ziyarət etmək əvəzinə, özünü hər hftə aırı Qəbələdə otellərin birində kölgələnməyə üstünlük verən “milli insan” kimin təsəvvür etməliyik.
Ümidvarıq ki, cənab X. Hüseynovun regionlarımızdakı milli sərvətlərimiz olan meşələrimizdəki ağacların qorunması üçün kəsilmiş və qanunsuz damqalanmış ağacların invetarlaşmaının aparılmasına nəhayət, ETSN-nin vicdanlı mütəxəssilərinin və yerli hüquq-mühafizə orqanları nümayəndələrinin iştirakı ilə yerində araşdırılacaq və “qırıntı” adı altında qanunsuz ağackəsmə əməliyyatlarına birdəfləlik son qoyulacaq və günahkarlar tapılaraq layiqli cəzalarını alacaqlar. Axı biz dünyəvi dövlətə yaşayırıq.
RealMedia.az olaraq yazıda adları çəkilən şəxslərin də mövqelərini dinləməyə və dərc etməyə hazırıq.
P.S. Sonda müasir atalar deyimini yada salmaq yerinə düşərdi: ” Xalıqverdi “Tufandağ”da kanatlarda seyrə çıxır, biz isə “VAZ – 21011″ minməyiriz.”