İtaliyanın “Roma” klubu Türkiyənin “Gənclərbirliyi” komandasının futbolçusu Mert Çetini heyətinə qatıb.
“Report” klubun rəsmi saytına istinadən xəbər verir ki, “canavarlar” 22 yaşlı müdafiəçi üçün Ankara təmsilçisinə 3 milyon avro ödəyib. Oyunçu ilə 2024-cü ilin yayına kimi müqavilə imzalanıb.
Sözləşməyə əsasən, oyunçu 5 milyon avrodan çox məbləğə satılacağı təqdirdə pulun 10 faizi Türkiyə təmsilçisinə veriləcək.
Qeyd edək ki, Mert Çetin 2017-ci ildən “Gənclərbirliyi”nin formasını geyinir. “Roma”da digər türkiyəli futbolçu Cengiz Ünder də çıxış edir.