Prezident Rəcəb Tayyib Ərdoğanın Türkiyədən türkmən qazının nəqli ilə bağlı danışıqlar aparacağı bildirilib.

Zirveyolu.info “Bloomberg”ə istinadən xəbər verir ki,  Türkmənistan qazının TANAP vasitəsilə əvvəlcə Azərbaycana, sonra isə Türkiyəyə nəqli məsələsinin müzakirə olunacağı bildirilib. Prezident Rəcəb Tayyib Ərdoğan gələn həftə Türkmənistan və Azərbaycan liderləri ilə türkmən qazının Türkiyə üzərindən

Avropaya nəqli ideyasını müzakirə edəcək.
Səlahiyyətlilər türkmən qazının dəniz yolu ilə Azərbaycana nəqli və oradan TANAP vasitəsilə Türkiyə üzərindən nəqli ideyasının müzakirə olunacağını bildiriblər.

Təklif olunan plan üzrə qaz nəqlinin nə vaxt həyata keçiriləcəyi və ya planın qısa müddətdə texniki cəhətdən mümkün olub-olmayacağı bəlli deyil. Türkmənistan qazının Rusiyadan istifadə etmədən müxtəlif marşrutlar üzrə nəqli planları keçmişdə uğurlu olmamışdı. Lakin Ukraynanın işğalı və işğalın enerji bazarlarına mənfi təsiri əvvəllər mümkün olmayan müxtəlif enerji marşrutu ideyalarının canlanmasına səbəb oldu.

Türkiyə də iqtisadi və diplomatik əlaqələrini gücləndirmək üçün enerji layihələrindən faydalanmaq istəyir. Bu yaxınlarda TANAP-ın gücünün iki dəfə artırılaraq 32 milyard kubmetrə çatdırılması qərara alınıb.

Rusiyanın Avropa İttifaqına təbii qaz tədarükünü kəsməsi enerji qiymətlərində sıçrayışa səbəb olub.

Azərbaycan qazı Avropanın Rusiya tədarük boşluğunu doldurmaqda rol oynasa da, Türkmənistanın böyük ehtiyatları əsasən istifadə olunmur. Türkmənistan öz qazını Avropaya göndərə bilmir, çünki neftinin Xəzər dənizi üzərindən boru kəmərləri ilə nəqlinə dair razılaşmalar yerinə yetirilməyib.

BP-nin Dünya Enerji Statistikası Qiymətləndirilməsi hesabatına əsasən, Türkmənistanın təbii qaz təchizatının üçdə biri Çində qalıb. Qalanı isə daxili və Rusiyaya verilir.