Cəmiyyət arasında özünü hər yerdə sahibkar kimi təqdim edən, bir neçə dəfə dələduzluqda ittiham olunaraq, uzun müddətli həbsxana həyatı yaşayan, vətəndaşları şantaj edərək dələduzluq yolu ilə, külli miqdarda pul qoparan Müqayis Verdiyev Baş Prokuror Yanında Korrupsiyaya Qarşı Mübarizə Baş İdarəsinə çağrılıb.

Bu barədə “gundelik-baku.com” saytı məlumat yayıb.

Sayt iddia edir ki, Müqayis Verdiyevə Cinayət Məcəlləsinin bir neçə maddəsi ilə ittiham elan olunaraq, onun ifadəsi alınıb.

Onu da xatırladaq ki, Müqayis Verdiyev bu günlərdə bir qrup Qarabağ Qazisinə qarşı atdığı addımları ilə də yerli KİV-in diqqət mərkəzinə gəlmişdi.

“Gundelik-baku.com”