“Qarabağ” UEFA Konfrans Liqasının pley-off mərhələsində cavab oyununa çıxıb.

“Zirvə yolu”nun məlumatına görə, Ağdam təmsilçisi Belçikada “Gent” klubunun qonağı olub. “Gelamko Arena”da keçirilən qarşılaşmanın əsas vaxtı meydan sahiblərinin 1:0 hesablı qələbəsi ilə başa çatıb.

Matça sürətli başlayan “köhlən atlar” 2-ci dəqiqədə qola yaxın olublar. Amma Bəhlul Mustafazadənin başla vurduğu top qapı tirinə tuş gəlib. 14-cü dəqiqədə meydan sahiblərindən Jülyen De Sartın qüvvətli zərbəsini düzgün mövqe seçən Luka Quqeşaşvili tutub. 32-ci dəqiqədə Uqo Kuypersin təhlükəli zərbəsinin qarşısını Mustafazadə alıb. 43-cü dəqiqədə Abdullah Zubir bir rəqibini keçib qapıçı ilə üzbəüz qalsa da, topa çata bilməyib. İlk hissədə qapılara qol vurulmayıb.

Fasilədən sonra ilk təhlükəli epizodu “Qarabağ” yaradıb. 47-ci dəqiqədə sürətli əks hücum zamanı Musa Qurbanlının ötürməsi Şeydayevə çatmayıb. 10 dəqiqə sonra Sven Kumsun zərbəsini Quqeşaşvili gözəl seyvlə dəf edib. Ardınca Şeydayev Qurbanlını qapıçı ilə təkbətək qoysa da, gənc hücumçu topu istədiyi kimi ram edə bilməyib. 75-ci dəqiqədə isə hesab açılıb. Standart vəziyyət zamanı Villi Orban qapını dəqiq nişan alıb. 90+6-cı dəqiqədə Kuypersin zərbəsi təhlükəli alınsa da, top qapıdan azacıq aralı keçib.

Bakıdakı ilk görüşdə ağdamlılar eyni hesabla qalib gəldiyindən əlavə vaxt oynanılıb. 92-ci dəqiqədə Yassin Benzianın sol cinahdan ötürməsi təhlükəli olsa da, topa toxunan tapılmayıb. Tərəflərin səylərinə baxmayaraq, oyunda hesab dəyişməyib və qalibi müəyyənləşdirmək üçün penaltilər seriyasından istifadə edilib. Burada daha dəqiq (5:3) oynayan “Gent” adını 1/8 finala yazdırıb.

Qeyd edək ki, bu raundun püşkü bu gün atılacaq.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda əlavə vaxt başa çatıb.

“Zirvə yolu”nun məlumatına görə, komandalar fərqlənə bilmədiyindən qalibi müəyyənləşdirmək üçün penaltilə seriyasından istifadə olunacaq.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda əlavə vaxtın 2-ci hissəsi başlayıb.

“Zirvə yolu”nun məlumatına görə, hazırda “köhlən atlar” hesabda geridədir – 0:1.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda əlavə vaxtın ilk hissəsi başa çatıb.

“Zirvə yolu”nun məlumatına görə, hələlik qarşılaşmada hesab dəyişməyib və meydan sahibləri öndədirlər – 1:0.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda əlavə vaxt başlayıb.

“Zirvə yolu”nun məlumatına görə, hazırda Azərbaycan çempionu hesabda geridədir – 0:1.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab matçında əlavə vaxt oynanılacaq.

“Zirvə yolu”nun məlumatına görə, meydan sahiblərinin əsas vaxtda 1 top vuraraq, ümumi hesabı bərabərləşdirməsi səbəb olub – 1:1.

Beləliklə, qalib əlavə vaxtda, ehtiyac yaranarsa isə penaltilər seriyasında müəyyənləşəcək.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda hesab açılıb.

“Zirvə yolu”nun məlumatına görə, 75-ci dəqiqədə fərqlənən meydan sahiblərinin futbolçusu Villiu Orban komandasını önə keçirib.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda 2-ci hissə başlayıb.

“Zirvə yolu”nun məlumatına görə, ilk hissədən sonra qarşılaşmada hesab açılmayıb.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyununda ilk hissə başa çatıb.

“Zirvə yolu”nun məlumatına görə, komandalar fasiləyə qolsuz bərabərliklə yollanıblar.

Belçikada “Gent” və “Qarabağ” arasında keçirilən UEFA Konfrans Liqasının pley-off mərhələsinin cavab oyunu başlayıb.

“Zirvə yolu”nun məlumatına görə, “Gelamko Arena”da oynanılan qarşılaşma Bakı vaxtı ilə saat 00:00-da start götürüb. Matçı şotlandiyalı FIFA referisi Uilyam Kollam idarə edir.

Qeyd edək ki, Bakıdakı ilk oyunda “Qarabağ” 1:0 hesablı qələbə qazanıb.

Belçikada UEFA Konfrans Liqasının pley-off mərhələsinin cavab oyununda üz-üzə gələcək “Gent” və “Qarabağ”ın start heyətləri açıqlanıb.

“Zirvə yolu”nun Avropa futbol qurumunun rəsmi saytına istinadən məlumatına görə, komandalar meydana aşağıdakı “11-lik”lərlə çıxacaqlar:

“Gent”: 33.Deyvi Rof, 5.Mişel Nqadye-Nqacui, 7.Xönseok Xon, 11.Uqo Kuypers, 13.Jülyen De Sart, 14. Alessio Kastro-Montes, 23.Cordan Torunariqa, 24.Sven Kums, 25.Nurio Fortuna, 29.Loran Depuatr, 31.Bruno Qodo
Ehtiyat oyunçular: 1.Pol Nardi, 2.Cozef Okumu, 10.Yens Petter Hauge, 12.Noa de Ridder, 15.Bram Laqae, 19.Malik Fofana, 20. Villi Orban, 22.Süleyman Marre, 27.Rune van den Berq, 28.Robbi van Hater, 35.Sederik van Dale, 39.Matias Fernandes
Baş məşqçi: Heyn Vanhazebruk

“Qarabağ”: 23. Luka Quqeşaşvili. 6. Julio Romao, 9. Musa Qurbanlı, 10. Abdullah Zubir, 13. Bəhlul Mustafazadə, 15. Leandro Andrade, 20. Riçard Almeyda, 29. Marko Veşoviç, 44. Elvin Cəfərquliyev, 55. Bədavi Hüseynov, 77. Ramil Şeydayev
Ehtiyat oyunçular: 89. Amin Ramazanov, 94. Ayhan Arazlı, 2. Qara Qarayev, 4. Rahil Məmmədov, 5. Maksim Medvedev, 7. Yassin Benzia, 18. İsmayıl İbrahimli, 19. Filip Ozobiç, 20. Toral Bayramov, 87. Adama Diakabi, 90. Nəriman Axundzadə, 99. Redon Cica
Baş məşqçi: Qurban Qurbanov

Qeyd edək ki, bu gün Gent şəhərindəki “Gelamko Arena”da keçiriləcək görüş Bakı vaxtı ilə saat 00:00-da başlayacaq.